زوج السائحة النمساوية ضحية هجوم سمكة قرش بسهل حشيش: سمعتها وهي بتصرخ وبتقول دراعي
يواصل القاهرة 24 نشر أقوال زوج السائحة النمساوية ضحية واقعة هجوم سمكة قرش بمنطقة سهل حشيش، في محافظة البحر الأحمر.
وكانت قضت محكمة استئناف شمال القاهرة، في وقت سابق، بتعويض ورثة السائحة النمساوية ضحية حادث هجوم سمكة قرش سهل حشيش، بمبلغ مليون جنيه تعويضًا مدنيًا عمّا تعرضت له مورثتهم خلال الواقعة.
وتعود تفاصيل الحادث إلى شهر يوليو 2022، حين تعرضت السائحة النمساوية لهجوم شرس من سمكة قرش، ما أسفر عن قطع تهتكي باليد اليمنى والقدم اليمنى، ورغم الإصابات المروّعة، قاومت وتمكنت من السباحة حتى اقتربت من الشاطئ.
زوج السائحة النمساوية ضحية هجوم سمكة قرش بسهل حشيش: سمعتها وهي بتصرخ وبتقول دراعي
وقال زوج السائحة النمساوية أمام جهات التحقيق: الحادث حصل 2022/7/1 حوالي الساعة 5:30 مساءً بالمارينا الخشب الخاص بشاطئ فندق جرافيتي وملاك الوحدات السكنية التابعة لقرية صن جيت بسهل حشيش. كنت أنا ومراتي بنعمل سنوركلينج في البحر.
وأضاف زوج السائحة النمساوية ضحية هجوم سمكة قرش بسهل حشيش: لما لقيت المنقذ بيصفر بطريقة هستيرية، مشلتش عيني من على مراتي وفضلت مركز معاها لحد ما لقيت الدم حواليها، ولما طلعناها من المياه، كان في ناس حواليها كتير، وواحد كان بيعمل لها تنفس صناعي وكان بيتبادل معاه آخرين علشان العملية تفضل مستمرة، وكانوا بيقولي في نبض موجود.
وأكمل: سيارة الإسعاف وصلت بعد حوالي 45 دقيقة، وخلال نقلها كانت عملية تنشيط القلب شغالة من المسعفين، والدكاترة في المستشفى كانوا بيعملولها إنعاش قلبي رئوي وأدوها أدرينالين، وبعدها الدكتور شاور لي وقال إنها توفيت بعد ما وصلنا بحوالي 10 دقائق.
وأوضح: هي كانت في المياه، ولما المنقذ فضل يصفر بطريقة هستيرية، بصيت نحوها لقيت ضهرها للفندق وحد جمبي حاول يرمي لها حبل بس ما وصلش لأن المسافة كانت بعيدة، وسمعت منها كانت بتقول دراعي بالألماني، وحاولوا كذا مرة يرمولها الحبل بس ماكنش بيوصلها.
ولفت زوج السائحة النمساوية ضحية هجوم سمكة قرش بسهل حشيش: أنا معرفش إيه المفروض يعملوه في المواقف زي دي، بس هما كانوا عندهم حالة هستيرية في التصفير، وهي قعدت دقائق في المياه لوحدها، ومكنتش قادر أعمل حاجة، وكان فيه كذا منقذ واقف.
