هشام نصر: بنسأل على عودة أرض الزمالك في 6 أكتوبر ممكن تكون امتى؟ مبناخدش إجابة
أكد هشام نصر نائب رئيس نادي الزمالك أن موقف النادي قانوني بشأن أرض 6 أكتوبر والتي تم سحبها خلال الفترة الماضية.
تصريحات هشام نصر
وقال هشام نصر في تصريحات لـ قناة MBC مصر: حصلنا على موافقة الجهات المعنية على إقامة وحدات خدمية بفرع 6 أكتوبر، وحصلنا على امتيازات أخرى مقابل مبلغ مالي يصل إلى 800 مليون جنيه
وأكمل: ياريتنا محصلناش على الموافقات دي عشان بعد ما بدأنا الشغل قولتلي أطلع بره، وياريت الزملكاوية يتحدوا عشان مشكلة الأرض كبيرة جدا جدا.
وأضاف: بنسأل على عودة الأرض ممكن تكون امتى؟ مبناخدش إجابة، وأرض 6 أكتوبر دلوقتي بشكل رسمي مش بتاعت الزمالك.
زاد: السبب الرئيسي لعدم تنفيذ أرض أكتوبر هو عدم الاستقرار خلال السنوات الماضية.
وأردف: قرار سحب أرض الزمالك غير صحيح من الناحية القانونية بشأن المهلة المحددة للبناء، وموقفنا سليم.
واختتم هشام نصر تصريحاته قائلا: شكوى قانونية من مرتضى منصور وآخرين بإهدار المال العام تسببت في أزمة سحب أرض 6 أكتوبر.
