بلا رحمة.. كيف قتل مرتكب واقعة المنشار بالإسماعيلية زميله وقطّعه في ساعتين إلا ربع؟
كشفت تحقيقات جريمة الإسماعيلية، اعترافات صادمة أدلى بها الصغير المتهم بقتل زميله في المدرسة، عقب استدراجه وتقطيع جثته إلى أجزاء داخل منزله، ثم طهي جزء من لحم الضحية.
جريمة المنشار الكهربائي في الإسماعيلية
وجاءت تفاصيل اعترافاته كما يلي:
ما هي الأفعال المادية التي فعلتها تجاه المجني عليه؟
وأجاب: هو لما عورني في إيدي كذا تعويرة بالكتر وآخر تعويره كانت جامدة فعصبتني رحت ضاربه بالشاكوش بغل جامد في رقبته، ولما لقيته عمال يطلع صوت جامد رحت مخلص عليه بالسكينة بضربة على دماغه طلعت مخه برا، وسيبته ونزلت واشتريت المشمع وبعدها طلعت قطعته بالصاروخ لـ 6 أجزاء.
س: وهل كان المجني عليه على قيد الحياة قبل تعديك عليك بالسكين كبير الحجم على منطقة رأسه؟
ج: هو كان بيفرفر وصوابع إيده كانت بتتحرك وكان بيشخر بصوت عالي.
س: قررت سلفا أنك قمت بجره لدورة المياه بالشقة فما الذي دعاك بالتعدي عليه بالسكين قبل تنفيذك مخططك بتقطيع جسده بالصاروخ؟
ج: لأن لما نويت أقطعه وسحبته للحمام قولت قبل لما أقطعه أجيب مشمع أفرشه تحت منه عشان الدم بس هو ساعتها كان بيشخر وصوته عالي وخفت الجيران تتجمع فرحت مخلص عليه بالسكينة الكبيرة عشان يبطل شخير عشان أنزل أجيب المشمع.
س: وما الذي بدر منك عقب ذلك؟
ج: أنا قطعته بالصاروخ لـ 6 أجزاء ولفيت كل جزء بالمشمع البلاستيك وحطيت كل جزء داخل كيس كبير من بتوع الزبالة بعد ما نزلت اشتريتهم، لما لقيت الأكياس اللي كنت شاريها صغيرة وطلعت رميت كل جزء في مكان زي ما قولت.
س: وما هي المدة المستغرقة منك في ارتكابك للواقعة؟
ج: هو من وقت ما ضربته بالشاكوش لحد لما قطعته وكيسته وحطيت الحاجة تحت السرير، أخدت وقت حوالي ساعتين إلا ربع، ولحد لما أخدت جزء جزء ورحت رميته أخد وقت كمان حوالي 4 ساعات لأني كنت برروح المنطقة رايح جاي مشي على رجلي والمشوار كان بياخد رايح جاي حوالي نص ساعة، وكنت برتاح من المشوار حوالي خمس دقايق.
