أول تعليق من شقيق شيرين عبد الوهاب بعد استدعائه لسماع أقواله في بلاغها ضده
استدعت جهات التحقيق المختصة، محمد عبد الوهاب شقيق الفنانة شيرين عبد الوهاب، أمس الأحد لسماع أقواله في بلاغها ضده بعدم التعرض.
وعلق شقيق شيرين عبد الوهاب، على استدعائه لسماع أقواله برسالة غامضة كتبها عبر حسابه بموقع فيس بوك، قائلًا: بهدي أغنية جريئة لـ ذكرى، إلى أقرب الناس ليا.. معرفش أصلًا إحنا كنا إمتى قريبين؟.
شيرين عبد الوهاب
وعلى جانب آخر، كانت الفنانة شيرين عبد الوهاب، علقت على شائعات اعتزالها الفن التي انتشرت خلال الأيام الماضية، حيث قالت في تسجيل صوتي: بحضر مفاجآت مختلفة وجديدة هتفرحوا بيها أوي، هغني ليكم بس من أماكن مختلفة، وهفضل أغني لحد ما أموت ومفيش اعتزال، الاعتزال هو الموت، وطول ما أنا عايشة بغني وبحبكم وواصلني حبكم، أنا عايشة بيه وعايشه ليه.
وواصلت شيرين عبد الوهاب: مش بستسلم أبدًا، في حاجات جامدة جدًا بتحصلي من أقرب الناس ليا تكسير وقتل بس أنا جامدة وربنا معايا ومقويني، وأنا بتاعتكم أنتوا وعايشة علشانكم أنتوا، واستنوا الحاجات الجديدة اللي نازلة وأنتوا الدنيا بالنسبة ليا.
