أنا أجنبية.. منى هلا عن انتقادات زواجها المدني: غباء وجهل.. ولو راجل قال مش عايز أخلف محدش بيتكلم
علقت الفنانة منى هلا على الانتقادات التي طالتها الفترة الماضية بعدما أعلنت زواجها المدني، موضحة أنها تزوجت مدنيًا بسبب جنسيتها النمساوية، معربة عن استيائها الشديد بسبب الانتقادات واصفة إياها بالجهل على حد تعبيرها.
وقالت منى هلا في لقائها مع القاهرة 24: أنا أجنبية، والأجانب في مصر لما بيجوا يتجوزوا أو في أي حتة في العالم بيتجوزوا مدني، في مصر لازم نتجوز في المحكمة في وزارة العدل، أنا مش فاهمة في إيه، واللي بينتقد غباء وجهل، اللي بينتقد من غير ما يعرف القانون يروح يسأل، والمشكلة أنهم بيمسكوا في الستات، ولو في راجل طلع قال نفس الكلام أو أنه مش عايز يخلف مثلًا الناس مش هتهاجمه، ولكنهم لازم يهاجموا الست لأنك بتتكلمي.
وأضافت منى هلا: مش فاهمة متضايقين من جوازي المدني ليه، أنا أجنبية ولا أحمل جنسية في حياتي غير النمساوية، والجنسية النمساوية مينفعش تاخدي جنبها جنسية تانية، ودي الطريقة اللي بنتجوز بيها في المحكمة علشان يبقى موثق في الدولة اللي عايشة فيها.
منى هلا تكشف سبب ابتعادها عن الأعمال المصرية
وسبق وكشفت الفنانة منى هلا سبب ابتعادها الفني عن الأعمال المصرية بشكل ملحوظ، حيث قالت في لقائها مع القاهرة 24: أنا أغلب وقتي بقيت بقضيه برا مصر لأن بيبقى عندي شغل هنا بروح أعمله وبرجع، وبدي ورش تمثيل.
وأضافت: ممكن أعمالي قليلة في مصر شوية بسبب إني بحب المخرج يديني مساحتي أكتر، وبحب احترام المواعيد، واتعلمت ده أكتر من الأجانب.
