أول تعليق للسيدة التي نقلت جنى ضحية الدهس بالشروق للمستشفى: عدت فجأة من غير ما تبص على الطريق
قالت شاهدة عيان على واقعة حادث دهس التلميذة جنى بالشروق بسيارة، والتي نقلتها بسيارتها إلى المستشفى، فور وقوع الحادث.
أول تعليق للسيدة التي نقلت جنى ضحية الدهس بالشروق للمستشفى: عدت فجأة من غير ما تبص على الطريق
وقالت شاهدة العيان: أنا ولية أمر في المدرسة وبنتي صاحبة جنى، أنا كنت مروحة بناتي من المدرسة وكنت بعربيتي خلف المتهمة.
وأضافت: هي كانت معاها ولادها في العربية مروحاهم من المدرسة وكانت ماشية بسرعة بس جنى عدت فجأة من غير ما تبص على الطريق وأصحابها شهدوا بكده.
وأكملت: المتهمة بعد الحادث نزلت من عربيتها وجريت على جنى ولما شافت الدم صوتت وكانت مرعوبة، وقعدت تقول والله عدت فجأة وسألت نوديها على فين وأعصابها متحملتش خالص.
وذكرت أيضا: أنا وبتاع الدليفري اللي شيلنا البنت ونزلت ولادي من العربية وجريت بيها على عيادات بدر في نفس الشارع وملقتش طوارئ وقالوا ليا روحي الشروق العام، وكانت المتهمة ماشية بعربيتها جنبي وأنا مشيت بسرعة من طريق مختصر على المستشفى والبنت كانت لسه عايشة بس على ما وصلت كانت توفيت، دي شهادة الحق اللي ربنا يحاسبني عليها.
