علي ماهر يكشف نصيحته لتريزيجيه في بداية مشواره داخل الأهلي
كشف علي ماهر، المدير الفني الحالي لفريق سيراميكا كليوباترا، عن إحدى أهم النصائح التي وجهها لمحمود حسن تريزيجيه قائد الفريق الأول للنادي الأهلي، خلال فترة وجوده في قطاع الناشئين بالقلعة الحمراء.
علي ماهر يكشف نصيحته لتريزيجيه في بداية مشواره داخل الأهلي
وقال ماهر في تصريحات تلفزيونية إنه حرص منذ اليوم الأول على تعزيز شخصية اللاعب الشاب داخل الملعب، مضيفًا: قلت لتريزيجيه وقتها: متخافش من أي لاعب كبير، لا من وائل جمعة ولا من أبو تريكة. خش جامد والعب لعبك عادي، وبعد كده صالحهم وبوس دماغهم وقولهم حقكم عليّا.. المهم متخافش، عشان متقعدش في الناشئين تاني.
كما كشف المدير الفني عن الصعوبات التي واجهت تريزيجيه في بدايته، مؤكدًا أن البعض كان يشكك في موهبته: كان بيتقاله وهو صغير إنه ما بيعرفش يلعب كورة، لما جيت لقطاع الناشئين سألت ليه مش بيشارك، قالولي بعيد أوي وأقصاه ينطّق الكورة ورا الجون.
وأوضح علي ماهر أن هناك من كان يسعى لتجنيس اللاعب خارج مصر بسبب موهبته: في ناس كانت مستنية تاخده قطر ويجنسوه، لكن لما شوفته لقيته لعيب كويس وجعان كورة.. مضّيته على طول.
وأردف: طلّعته الفريق الأول بعد ما عرضته على مانويل جوزيه، واللي وافق وقال إنه لاعب مميز.
