ميدو عادل: وصلت بتعبي وشقايا.. وبشتغل بشرفي مش علشان الفلوس
تحدث الفنان ميدو عادل عن بداياته في مجال الفن وما واجهه من تعب خلال سنوات عمله، مؤكدا أن وصوله إلى مكانته الحالية كان نتيجة جهده الشخصي والتزامه بالعمل، دون الاعتماد على أي أحد.
ميدو عادل: وصلت للي أنا فيه بتعبي وشقايا.. وبشتغل بشرفي مش علشان الفلوس
وقال ميدو لـ القاهرة 24: أنا واصل للي أنا فيه بتعبي وشقايا، ومعتمدش على حد.. والفن هو الشغلانة اللي صرفت عليا أنا وعيالي وأهلي، ووصلني لمكانتي الحالية.
وتطرق ميدو للحديث عن سبب عدم مشاركته في عمل من بطولته المطلقة وقال: لو قعدنا نفكر في ترتيب الأدوار، ده غلط الشغلانة مش واقفة على البطل الأول، وأتمنى أكون البطل الأول في الوقت المناسب.
كما شدد على أنه لا يعمل من أجل المال فقط، بل يسعى لتقديم أعمال تحترم فنه وتحقق له الرضا الشخصي، قائلًا: أنا قدمت أعمال كتير من بدايتي لحد دلوقتي، كل أعمالي بشرفي، وبحب أقول كده وأحط تحتها خطين.. أنا بشتغل علشان الشغل عاجبني وعايز أقدم حاجة مهمه مش علشان الفلوس.
أعمال ميدو عادل
وفي سياق آخر، شارك ميدو عادل مؤخرًا في موسم رمضان المقبل 2025، من خلال مسلسل حكيم باشا، والذي لعب بطولته الفنان مصطفى شعبان، وشارك فيه كل من الفنان رياض الخولي، سهر الصايغ، أحمد فهيم، سلوى عثمان، سارة نور، سلوى خطاب، محمد نجاتي، أحمد صيام، وغيرهم، والعمل من تأليف محمد الشواف، وإخراج أحمد خالد أمين.
