هشام نصر: إحنا تحت أمر الجمعية العمومية وجمهور الزمالك وعندنا أخطاء نتيجة الضغوطات الرهيبة
أكد هشام نصر نائب رئيس نادي الزمالك، أن الضغوطات على مجلس الإدارة كبيرة جدا، وهو ما تسبب في أخطاء عديدة خلال الفترة الماضية.
تصريحات هشام نصر
وقال هشام نصر في تصريحات تليفزيونية: إحنا تحت أمر الجمعية العمومية وجمهور نادي الزمالك لو عايزنا نكمل هنكمل، مش عايزنا نكمل يبقى يجي اللي يمسك وإحنا نمشي، إحنا عندنا أخطاء نتيجة الضغوطات الرهيبة.
وأكمل: اللي عنده حلول لنادي الزمالك يجي ويقدمها وإحنا عايزين نكمل، وبناء الفريق الرياضية ياخد 3 سنين في وجود مقومات مالية ودعم مادي
وأضاف: ابتدت ملامح البناء داخل الزمالك تظهر وقدرنا نفوز على الأهلي في كرة اليد، والكمال لله وحده لازم نغلط وسواء موجودين أو غير موجودين البناء ياخد وقت.
وزاد: هنكمل في نادي الزمالك ونشتغل لحد أخر لحظة، وهل اللي هيجي بعدنا مش هيقابل نفس المشاكل
واختتم تصريحاته قائلا: محدش يتخيل إن في يوم وليلة المشاكل هتنتهي، ومقدمين حلول كتير ومستنين الدولة تسرع الرتم شوية، حتى مش لينا للي هيجي بعدينا.
