رسائل نارية من شيكابالا لـ مجلس الزمالك: لو أنتوا مش قد الجمهور وطلبات النادي امشوا
حرص محمود عبد الرازق شيكابالا قائد نادي الزمالك السابق على توجيه رسائل نارية لمجلس إدارة القلعة البيضاء برئاسة الكابتن حسين لبيب.
تصريحات شيكابالا
وقال شيكابالا في تصريحات مع الإعلامي إبراهيم فايق: أنا لعبت في نادي الزمالك كتير جدًا وعلى مراحل كتير جدًا، ولعبت في أسوأ فترات الزمالك لكن ماوصلناش للمرحلة اللي فيها النادي دلوقتي.
وأكمل شيكابالا : النادي دلوقتي في مرحلة صعبة جدًا ومش عارف أنتوا هتوصلوا النادي لفين.
وأشار: لو مجلس الإدارة مش قد جمهور الزمالك وطلبات النادي امشوا أنا بقولكوا امشوا.
واختتم شيكابالا تصريحاته التليفزيونية قائلًا: أنتوا أكتر ناس كنتوا واخدين دعم من الجمهور المرحلة اللي فاتت.
ويمر نادي الزمالك بالعديد من الأزمات أبرزها الأزمة المادية التي ألقت بظلالها على القلعة البيضاء خلال الفترة الحالية.
ويعمل مجلس الزمالك على إيجاد حلول من أجل إنهاء الأزمة المادية بعد سحب أرض النادي في 6 أكتوبر.
