اتصالحنا منذ شهر.. شقيق شيرين عبد الوهاب يكشف مفاجأة جديدة عن أزمته معها: متربحتش من وراها

الإثنين 15/ديسمبر/2025 - 08:43 م

كشف محمد عبد الوهاب، تفاصيل جديدة في أزمته مع شقيقته الفنانة شيرين عبد الوهاب، بعد صدور أمرًا بضبطه وإحضاره في واقعة التعدي عليها بالضرب.

شقيق شيرين عبد الوهاب يكشف مفاجأة جديدة عن أزمته معها

وأضاف محمد عبد الوهاب عبر حسابه الشخصي على فيس بوك: وحق كتاب الله الكلام ده بالحرف حصل وربنا شاهد، من حوالي شهر اتصالحنا وكان عندها ميتنج مع شركة عايزة تمضي معاها وكنا عند موزع شهير مش حابب أذكر أسماء حد بس هو كان موجود وإحنا في الميتنج.

وأضاف محمد عبد الوهاب: واحد كده معرفوش قالي عايز رقم حضرتك ده تبع المحامي قالي أصل المدام كلمت الأستاذ وإحنا داخلين وقالتله بالحرف كده خرج أخويا من القضية ما إحنا اتصالحنا بقى، والله الكلمة كإنها قلم نزل على وشي، خرج أخويا يعني أنا مش مدان ولا تربحت ومضيت عقد من وراكي لا أنتي بتدخليني وتخرجيني حسب مزاجك بقى ورحمة أبويا هقلب عليكم، وأنا بقى عندي إثبات بكل كلمة بحق ربنا مش زور زيك والبلد فيها قانون.

ضبط وإحضار شقيق شيرين عبد الوهاب

وسبق ونشر القاهرة 24 أنه تم صدور أمر ضبط وإحضار لـ محمد عبد الوهاب، شقيق الفنانة شيرين عبد الوهاب، اليوم الاثنين، وذلك في واقعة التعدي عليها بالضرب وإتلاف محتويات منزلها وتكسير زجاجه عليها، وأيضًا سبها وقذفها.