بعد واقعة المسن الصعيدي بالمترو.. عبد الله رشدي: احترام الكبير واجب وعاداتنا وديننا بيقولوا كده
علق عبد الله رشدي الداعية الإسلامي، على واقعة المترو، حيث تصدر مقطع فيديو لـ مسن صعيدي داخل مترو الأنفاق، تريند منصات التواصل الاجتماعي، وتضمن مشادة بينه وبين فتاة شابة، على خلفية اعتراضه على طريقة جلوسها بوضع قدم فوق الأخرى أمامه.
وقال عبد الله رشدي عبر منشور له على صفحته الرسمية بفيسبوك: احترام الكبير واجب.. وعاداتنا وديننا بيقولوا كده.
بعد واقعة المترو.. عبدالله رشدي: احترام الكبير واجب.. عادتنا وديننا بيقولوا كدا
وفي وقت سابق من اليوم، قال الحاج عبد العال محمود، المسن الصعيدي صاحب فيديو المترو لـ القاهرة 24: محدش هاجمني، والبنت براحتها تنزل الفيديو، هي غلطانة، والفيديو اتصور من 3 أيام كنت رايح السيدة زينب وكنت في المترو اتجاه حلوان.
وأضاف: اللي حصل كان فيه 8 رجالة كبار في السن قاعدين في المترو أقل واحد فيهم في السن أنا عمري 68 سنة، وهي قاعدة قدامنا وحاطة رجليها في وشنا، قُلتلها عيب بالذوق لو سمحتي نزلي رجلك عشان فيه ناس كبيرة في السن قاعدة قدامك، غلطت فيا رديت عليها، قلت لها إنتي ما اتربتيش، وواحد صورنا ونزل الفيديو على السوشيال ميديا.
واستكمل الحاج عبد العال: أنا راجل صوفي وكنت رايح أصلي في السيدة زينب، ولما اتكلمت مع البنت بالأدب قالتلي دي حرية شخصية، وأحط رجل على رجل براحتي، وحطت الرجل في وشنا غلط، وكل السيدات في المترو كانوا قاعدين بشكل عادي، وأصلا وجودها في عربية الرجال غلط من البداية.
