ننشر أقوال ولية أمر تلميذة المتهمة بالتعدي على مشرفة مدرسة العمرانية: الأتوبيس كان هيدوس بنتي| خاص
كشفت التحقيقات في واقعة التعدي على مشرفة مدرسة العمرانية من قبل ولية أمر تلميذة وزوجها، إثر اعتقادها بأن المشرفة وبخت ابنتها، ما أسفر عن إصابة المشرفة المعتدى عليها بكدمات وجروح في الوجه وباقي أجزاء الجسم، وننشر تفاصيل أقوال ولية الأمر المتهمة.
ننشر أقوال ولية الأمر المتهمة بالتعدي على مشرفة مدرسة العمرانية
وأضافت التحقيقات في القضية أنه بمثول ولية الأمر المتهمة بالتعدي على مشرفة مدرسة العمرانية، وبسؤالها حول ما هي تفصيلات أقولها بشأن الواقعة؟ أجابت: اللي حصل إن دينا دي المشرفة بتاعة باص بنتي ولاقيت حد من المدرسة بيكلمنى بيقولى بنتك باص المدرسة كان هيدوس عليها، عشان المشرفة سابياها وماشية والبنت ماشية لوحدها.
وأكملت: وقتها أنا كأم طبعا، قلبي اتحرق وكنت قاعدة على نار، فلما الباص وصل بقول لدينا المشرفة إيه اللي حصل، قالتلي محصلش حاجة ما هي كويسة قدامك أهي قمت قايلالها أنا بقولك عايزة أعرف إيه اللي حصل، قامت زقتنی فأنا كنت هقع فمسكت فيها عشان مقعش قمت واقعة أنا وهي، ولما وقعنا على الأرض، أنا سندت عليها وقمت، لاقيت الطرحة بتاعتي اتقلعت فلما الطرحة اتقلعت أنا كان كل همي إني أجيب الايشارب لاقيتها جاية ورايا وعايزة تضربني، فأنا قمت سابيناها وماشية والموضوع خلص ولاقيت الفيديو انتشر بس الفيديو مقصوص، وبعدين، عرفت إنها عاملة محضر، فلقيت القسم جولي وقالولى تعالى عايزينك عشان الفيديو والمحضر وبس جينا على هذا النهاردة، أنا عايزة أثبت إن هي كمان ضربتني وعملتلي إصابات على فكرة.
كما جاءت باقي تفصيلات أقوالها، كالآتي:-
س: متى وأين حدث ذلك؟
ج: الكلام دا حصل يوم الاثنين 2025/12/8 الساعة 3:45 مساءً
س: وما سبب ومناسبة تواجدك بالمكان والزمان سالفي الذكر؟
ج: أنا كنت مستنية بنتي من المدرسة عشان اللي كلموني وقالولي إن هي كان الباص هيدوس عليها
س: من كان برفقتك آنذاك؟
ج: كان معايا زوجي وولادي
س: من القائم على مهاتفتك تحديدًا لإبلاغك بأن كريمتك كادت أن تتعرض لما أبدتِ؟
ج: كذا حد كلمني
س: إذكريهم؟
ج: مش فاكراهم دلوقتي
س: ما الذي أبلغوك به تحديدًا؟
ج: قالولي بنتك باص المدرسة كان هيدوس عليها عشان المشرفة سايباها والبنت ماشية لوحدها.
