أحمد العوضي عن طلاقه: مش بحترم الراجل اللي يتكلم عن علاقة انتهت.. واسمي متذكرش غير بالخير
علق الفنان أحمد العوضي، على الجدل الذي أُثير خلال الفترة الماضية بعد طلاقه، موضحًا أنه لا يمكنه الحديث عن أي علاقة كانت بحياته وذلك وفقًا لتربية والده والقواعد التي نشأ عليها.
وقال أحمد العوضي، في لقائه مع الإعلامية إسعاد يونس، في برنامجها صاحبة السعادة: الموضوع خلصان من سنتين فما انتهى قد انتهي، وأنا اسمي لم يذكر بشيء عشان أرد عليه، أنا اتذكر اسمي قدامك بالخير فأنا رديت بالخير، وأنا لا أحترم الراجل اللي بيتكلم عن علاقة بعد ما خلصت، ومينفعش أغير كلامي لأني طالع من بيت راجل، وأي علاقة انتهت مينفعش تذكرها غير بالطيب ده إذا ذكرت، والناس بتخلط بين المشاعر الإنسانية وشرع ربنا، ربنا حلل الجواز والطلاق.
وأضاف أحمد العوضي: الطلاق ربنا شرّعه علشان هو مش ظلم، والنهاردة الناس عهدوا من أحمد العوضي الأصل، وأنا معروف إني راجل جدع، واللي ماسك الريموت ومستني أحمد العوضي يتكلم يبقى أقفل واتكل على الله اللي أنت عاوزه مش عندي.
واختتم أحمد العوضي، حديثه عن طلاقه: أنا راجل بكن كل الاحترام والتقدير لأي ست دخلت حياتي، وخاصة لو كانت زوجة.
