تطورات جديدة في صراع العائلة.. عمرو الدجوي: مجرمون استعانوا بسارق خِزن وسرقوا جميع محتويات ماما نوال
قال عمرو الدجوي حفيد الدكتورة نوال الدجوي، رئيسة جامعة MSA، وشقيق الدكتور أحمد شريف الدجوي، الذي توفي منذ فترة بطلق ناري في منزله، إن جزءا من حق شقيقه قد عاد، وذلك بعد تحديد ومعرفة اللص المتهم بسرقة محتويات خزائن ماما نوال، حسب قوله.
عمرو الدجوي يزعم: مجرمون خططوا واستعانوا بسارق خزن
ونشر عمرو الدجوي منشورا، عبر مواقع التواصل الاجتماعي زعم فيه أن المجرمين استعانوا بـ لص خزائن مسجل خطر وسرقوا محتويات الخزن، وقال في المنشور: دلوقتي أقدر أقول إن جزء من حق دكتور أحمد رجع بعد ما تم اتهامه ظلم وافتراء في أكبر قضية سرقة في العصر الحديث، لا ده كمان تم دفع حملات ممولة بالملايين من جانب السيدات والغرض منها التشويه ولتصبح القضية ترند وتعرف بقضية مغارة الدجوى، دلوقتي كل الخوف على سلامة ماما نوال الدجوي مع قرب قضية الحجر أنا مرعوب على جدتي وبدعي ربنا يرجعها لينا بالسلامة لتلقي أفضل رعاية صحية تستحقها.
وأضاف عمرو الدجوي شقيق الدكتور أحمد الدجوي حفيد الدكتورة نوال الدجوي رئيسة جامعة MSA في منشوره زاعما: كل ده أنا أقدر أستوعبه وأبرره كمان علشان الغيرة والكره يعملوا كده لكن اللي مخي مش قادر يستوعبه أن يكون هما اللي خططوا وهما اللي دفعوا الحملات وهما اللي اتهمونا وشهدوا ضدنا ويطلع في الآخر هما اللي سرقوا، والهدف أن دكتور أحمد يرجع من السفر علشان يدافع عن شرفه، وبعد وصوله بساعات قليلة يتم قتله.. وأنا كلي ثقة بالنيابة العامة أنها هتوصل للحقيقة في واقعة قتل شقيقي ورفيق عمري شهيد الغدر إلا أنهم لم يكتفوا بذلك المصاب الذى ألم بنا بل وقاموا بالترويج أنه مريض نفسيا بيتعالج في الخارج ويقولوا لما اتمسك بسرقته زي ما محاميهم المحترم قال فانتحر وكل ده قبل حتى وصول النيابة والطب الشرعي، وربنا اللي أكبر من أي حد هو اللي بيدافع عن دكتور أحمد الشريف ابن الأصول وربنا هو اللي ظهر الحقيقة.
وادعى: الموضوع ببساطة أن المجرمين خططوا واستعانوا بسارق خزن مسجل خطر وقاموا بسرقة جميع محتويات خزائن ماما نوال في أكتوبر والزمالك، والأدهى كمان المحادثات مع السارق بتبين مدى إحساسهم أنهم فوق القانون، المجرمين قاموا بتحويل المبالغ على تطبيق مشهور لهاتف المحمول الخاص بفاتح الخزن والجهات الرسمية رصدته وعملت التحريات والتحقيقات، وأثبتت اعترافات السارق وتمثيله للجريمة وإثبات المحادثات والتحويلات منهم في تليفونه، وكمان السائق المتورط معهم وتم إثبات الجريمة عليهم وصدر ضدهم أمر ضبط وإحضار ليهم وتم إكراه ماما نوال على تحرير توكيل خاص بالتنازل لصالحهم وكل دا مثبت بالأوراق الرسمية، وحسبي الله ونعم الوكيل وربنا هيرجع باقي حقوق الدكتور أحمد الدجوي بحر العلم.
