طارق الشيخ: المخدرات ضيعت ناس كتير وأغنية الكيف كانت رسالة
حل المطرب الشعبي طارق الشيخ ضيفًا على برنامج كلمة أخيرة الذي يقدمه الإعلان أحمد سالم، والذي كشف من خلاله عن العديد من كواليس حياته الشخصية والمهنية.
طارق الشيخ وأحمد سالم
وقال طارق الشيخ: المطرب الشعبي دايمًا جواه حتة فيها شجن وحزن، وكل واحد بتيجي على الوجيعة بتاعته والمطرب الشعبي لو مكانش جواه الحتة دي وشايفاها مش هتوصل للناس، لو شايفها هتصدقها، ولازم نقول أن المخدرات ضيعت ناس كتير وأغنية الكيف كانت رسالة.
وأضاف: كنا بنشتغل على كاست، والكلمة بتدخل بيت، مكانش فيه ثورة الموبايلات اللي موجودة حاليًا، كان الكاست واحد في البيت والشريط بيتسمع في البيت كله، أنا اتفاجئت بالنجاح الكبير، وشركة الإنتاج كانت مآمنة بيا، ومكانش فيه غير تلات قنوات، والإذاعة على قناة واحدة بمليون إذاعة على قنوات دلوقتي، كمان أنا اتربيت على أغاني عدوية وحسن الأسمر وأشرف المصري ومجدي طلعت وعبد الباسط حمودة.
واستكمل قائلًا: اللي بيكتب بيكتب بجد وعايش الحالة وما بيكتبش أغنية في لحظة زي دلوقتي، في شغل قعد سنة لحد ما اتكتب لأن المطرب مكانش مقتنع بالكلمة.
وتحدث طارق الشيخ عن المطرب أحمد عدويةـ واصفًا بأنه كان ولا يزال رمز الأغنية الشعبية، مشيرًا إلى أنه كان يغني أغانيه في بداية مشواره بالغناء، وقدم له خلال اللقاء أغنية بنت السلطان.
وبدأ طارق الشيخ الحلقة بغناء أغنيته ما تستغربش حاجة، والتي طرحها عام 2022، ضمن أغنيات ألبومه ودوني البحر، من كلمات عصام حجاج، ألحان تامر حجاج، توزيع موسيقي أشرف البرنس.
