يوسف رأفت: سِبت كل حاجة في حياتي عشان التمثيل.. واترعبت لما اتحصرت في دور الطيب والضحية
كشف الفنان الشاب يوسف رأفت، تفاصيل بدايته الفنية، بجانب حديثه عن مشاركته في مسلسل ميد تيرم، الذي يعرض حاليًا وحقق نجاحًا كبيرًا منذ عرض أولى حلقاته.
وقال يوسف رأفت، في حواره مع الإعلامية منى الشاذلي، في برنامجها معكم: أنا بمثل بقالي 10 سنين وقعدت فترة كبيرة في المسرح، ومكنش حظي أحسن حاجة وبدأت أركز في حاجات تانية خالص، ومن 4 سنين بس ركزت في التمثيل وسيبت كل حاجة وقلت ده اللي أنا عايزه وسيبت كل حاجة في حياتي، وبدأت استثمر في التمثيل بكل طاقتي.
وأضاف: اشتغلت في مكتب لتجارب الآداء وكنت واقف على الكاميرا بصور المتقدمين، علشان أعرف مساعدين المخرجين بيعجبهم إيه، وكنت راضي عن اللي أنا فيه جدًا وبعد كده بـ 4 سنين قررت أرجع أركز في التمثيل.
أما عن مشاركته في مسلسل ميد تيرم، فعلق يوسف رأفت: لما جالي دور أدهم في مسلسل ميدتيرم كان في شهر 7 واتكلمت أنا والمخرجة مريم الباجوري، وقعدنا وكان نقاش طويل لمدة 4 ساعات، وأنا كان عندي مشكلة أن الناس حطاني أني طيب أوي ودايمًا ضحية، وده كان راعبني ومش عايز أبقى طيب، وكنت عايز أعمل دور ياسين اللي قدمه سيف محسن.
مسلسل ميد تيرم
مسلسل ميد ترم أول بطولة درامية مطلقة لياسمينا العبد، والعمل من بطولة ياسمينا العبد، يوسف رأفت، جلا هشام، زياد ظاظا، دنيا وائل، وعدد آخر من الفنانين، وهو قصة مريم الباجوري ومحمد صادق، سيناريو وحوار ورشة براح، إخراج مريم الباجوري.
