أبرز تصريحات خالد النبوي في برنامج عندك وقت مع عبلة: الكوميديا مش رسالة.. وسيبت البلاتوه مرة بسبب مخرج ضايق ممثلة
حلّ الفنان خالد النبوي ضيفًا على برنامج عندك وقت مع عبلة، الذي تقدمه الإعلامية عبلة سلامة، ويعرض على MBC، حيث كشف من خلاله عن العديد من كواليس حياته الشخصية والمهنية وعلاقته بأبنائه.
أبرز تصريحات خالد النبوي في برنامج عندك وقت مع عبلة:-
-بحب المخرج اللي يكون عنده شخصية وأطمن ليه ولو مطمنتش ليه مش هعمل الدور كويس وأهم حاجة مايبقاش مُدعي.
-سيبت البلاتوه مرة بسبب مخرج ضايق ممثلة وقولتله على جنب من فضلك هي مش هتعرف تمثل كدة.
- الكوميديا مش رسالة لأننا بنسعد الناس فا ده شئ ترفيهي.
-كنت مجتهد في طفولتي وحريص أنجح وأبقى كويس مش أني اطلع من الأوائل.
-علاقتي بأولادي صداقة ومبخترش السلطة عليهم لأن لو الولد خاف من والده يبقى في خطر.
-بحب أطبخ جدًا بس زوجتي ديمًا ليها رأي تاني في الأكل.
-مجربتش شعور العزله المفروضه عليا والإنسان كائن حر.
-عمري ماحسيت اني اتغريت وشوفت اللي قبلي ولقيت اللي قبلي نجوم عظام ومتغروش.
وفي وقت سابق، كان أعرب الفنان خالد النبوي، عن سعادته الكبيرة بتكريمه في مهرجان القاهرة السينمائي الدولي، وحصوله على جائزة فاتن حمامة للتميز بالدورة الـ 46 للمهرجان، وحرص خالد النبوي على توجيه الشكر للشعب الفلسطيني خلال كلمته لحظة تكريمه قائلًا: لا بد أن أشكر الإنسان الفلسطيني اللي بيكتب حواديت بدمه من سنين كتيرة، البلد تسمى فلسطين، وصارت تسمى فلسطين.. عاشت السينما المصرية.
