أحمد السقا عن طليقته مها الصغير: حمايتها فرض عليا وماليش دعوة بالمشاعر.. وكل فترة بتطلب النصيحة
تحدث الفنان أحمد السقا، عن طليقته الإعلامية مها الصغير، موضحًا أنه بالرغم من طلاقهما إلا أنه يحرص دائمًا على حمايتها خاصة وأنها أم أولاده الثلاثة.
وقال أحمد السقا، في لقائه مع الإعلامي عمرو الليثي، في برنامجه واحد من الناس: الولدين معايا والبنت بيني وبين أمها، ومفيش عداء.. مش حرب هي.. ومفيش خلاف الموضوع تم احتوائه.
وأضاف أحمد السقا: بحاول أفرض الحماية على الطرف التاني وده فرض عليا قدام ربنا، وأي حد خلقه ربنا بيشكل خطر عليها هيلاقي فرقة قدامه ترجعه 2 كيلو ورا، الحماية أنك تبقى واخد بالك من الأرض اللي نبتت لك 3 أولاد ده واجب عليا قدام ربنا، ماليش دعوة بالمشاعر، ولكن اللي هيفكر ياخد الأرض دي وضع يد مفيش قانون إحنا في الجبل.
وأكمل السقا: مقدرش أنكر أنها كل فترة بتطلب النصيحة، وأنا بقول اللي يمليه عليا ضميري، وأنا لا أسمح لحد أنه يجيب سيرتها بأي شكل سلبي قدامي، ولا يلعب في دماغها أو يضحك عليها وبقولهم كل سنة وأنتم طيبين أنا عايش معاكم.
