سامو زين: محستش بغيابي 15 سنة عن الجمهور.. وأغانيا لسه عايشة مع الناس
تحدث الفنان سامو زين، عن فترة غيابه عن الساحة الفنية، موضحًا أنه شعر بمحبته في قلوب جمهوره بعد استقبالهم له خلال عودته من جديد.
وقال سامو زين، في لقائه مع الإعلامية ياسمين عز، في برنامجها كلام الناس: أنا في قلوب الناس وشفت حبهم في رجوعي، وتعبت في الشغل اللي قدمته الفترة اللي فاتت والأغاني لسه عايشة ومحستش أني غيبت وشفت ده في استقبالهم.
وتابع سامو زين: كان عندي دايمًا حيرة أن ليه عبد الحليم حافظ لسه عايش وسطنا لغاية دلوقتي، وده اللي اعتمدته من بدايتي وأن إزاي أتقدم للناس والمجهود والكلام واللحن وكل حاجة بتكون مدروسة واللي شفته هو ده المكافأة أن الأغاني لسه عايشة بعد أكتر من 15 سنة.
كما تطرق سامو زين، للحديث عن مفهوم الحب بالنسبة له، قائلًا: الحب عندي له مكانة كبيرة والأهم في حياتي، واتعلمت أسيطر عليه ولكن متقدرش تسمي حب لو فكرت فيه، أنت تسيب مشاعرك وتعيش معاهم، ده الحب بالنسبة ليا.
سامو زين
وعلى جانب آخر، سبق وطرح سامو زين، الصيف الماضي، ميني ألبوم قدم من خلاله شكل جديد من الأشكال الموسيقية، بالإضافة إلى عودته إلى الإخراج بعد غيابه لمدة 15 عاما.
