قلة ضمير ومش هسكت.. سيدة بالغردقة تدعي العثور على ظفر داخل سندوتش بمطعم شهير بالغردقة
حذرت سيدة من محافظة الغردقة، عبر حسابها على فيسبوك، من أحد المطاعم الشهيرة، زاعمةً أنها عثرت على ظفر داخل سندوتش تناولته في المطعم.
سيدة من الغردقة تحذر من مطعم شهير بعد العثور على ظفر داخل سندوتش
وفي فيديو نشرته على حسابها الشخصي، قالت السيدة: "يا جماعة، خلوا بالكم من المكان ده، مطعم في الغردقة بيعمل سندوتشات ومعروف جدًا، والموضوع استفزني جدًا ومش هآكل منه تاني، كنت بأكل سندوتش جبنة مقلية ولقيت ظفر شخص جوه السندوتش!".
وتابعت: "أنا عايزة أعرف ده إيه بالظبط، ولما كلمت المطعم مش راضين يعترفوا بغلطهم، وقالوا لي ده إهمال منهم وعايزين يبعتولي سندوتش تاني. طب لو الموقف ده اتكرر مع ناس تانيين هتتصرفوا إزاي؟ حسبي الله ونعم الوكيل فيكم".
وأضافت: "الناس دي معندهاش ضمير، خافوا على نفسكم يا جماعة ومتشتروش منهم حاجة تاني. الموضوع زاد عن حده أوي، وربنا ما يشوفش ولادكم حاجة وحشة أبدًا، وأقسم بالله مش هاسكت لأن ده قلة ضمير وقرف، والمطعم مكذبني وبيقول لي آسفين ونبعتلك غيره، ده منتهي استخفاف".
