عمرو مصطفى: طلبت من ربنا أتغير في العمرة.. والصراعات في الوسط الفني بتقلل الموهبة
كشف الملحن والفنان عمرو مصطفى، تفاصيل جديدة عن أزمته الصحية الأخيرة، مؤكدا أنه يمر حاليا بمرحلة استقرار وأمان، بعد فترة صعبة عاشها عقب عودته من أداء العمرة في بداية عام 2025.
وقال عمرو مصطفى، خلال لقائه ببرنامج صاحبة السعادة، مع الإعلامية إسعاد يونس، المذاع عبر شاشة قناة DMC، إنه أدى العمرة مع بداية العام الجديد، وهناك دعا الله بأن يمنحه فرصة للتغيير، موضحا: عملت عمرة في أول 2025، وأنا هناك كلمت ربنا وقلتله: يا رب أنا عايز أبقى واحد تاني وأتغير.
وأضاف أنه بعد عودته من العمرة، فوجئ بتدهور حالته الصحية، قائلا: رجعت من العمرة اكتشفت إني تعبان وعندي مرض مش لطيف، بس الحمد لله أنا دلوقتي في مرحلة أمان.
عمرو مصطفى: الصراعات بتقلل الموهبة.. وده سبب إن عمرو دياب ما بيردش
وتطرق عمرو مصطفى للحديث عن تأثير الصراعات داخل الوسط الفني على الفنانين، مؤكدا أنها تستهلك الموهبة وتؤثر سلبا على الإبداع، خاصة بعد مروره بتجربة صحية وإنسانية صعبة، قائلا: حسيت إني رجعت طفل زي قبل ما أدخل الوسط، لأن الصراعات اللي بتحصل داخل المجال الفني بتأثر على الموهبة، وكل ما الصراع يزيد الموهبة بتقل.
وأضاف أن الابتعاد عن الصدامات أحد أسرار الاستمرار الفني، مستشهدا بالفنان عمرو دياب، قائلا: عشان كده عمرو دياب دايما ما بيردش على حد، لأنه ببساطة معندوش صراعات.
