عمرو مصطفى ضيف إسعاد يونس في صاحبة السعادة الأحد المقبل
يحل الفنان والملحن عمرو مصطفى، ضيفًا على الإعلامية إسعاد يونس، في برنامجها صاحبة السعادة، يوم الأحد المقبل على شاشة قناة DMC.
ويتحدث عمرو مصطفى، خلال الحلقة عن تفاصيل رحلة مرضه، وتفاصيل تعاونه مع الهضبة عمرو دياب، بجانب تقديم ميدلي من أشهر أغانيه وأشهر الأغاني من ألحانه.
عمرو مصطفى: أنا متعلمتش موسيقى
ومن ناحية أخرى، سبق وكشف عمرو مصطفى، في لقائه مع الإعلامي معتز الدمرداش، عن عدم دراسته للموسيقى، بالرغم من كونه واحد من أنجح الملحنين بالوطن العربي، قائلًا: أنا مش دارس موسيقى، ومعرفش السلم الموسيقي ولا النوتات ولا المقامات الموسيقية ولا الهوا، اللي بيشغلني مشاعري، واللي يعرف تشغله مشاعره يوريني، وأنا مبسوط ومش عايز أتعلم، واللي يعرف يعمل زيي يعمل.
وأوضح عمرو مصطفى، أنه كان السبب الرئيسي في عمل عدد من أشهر الموزعين مع الهضبة عمرو دياب، قائلًا: أنا وعمرو دياب من أول ما دخلنا المزيكا ناقر ونقير، ولما بقوله يمين من قلبي والله ويعمل هو حاجة تانية، هو دماغه كده، ومعظم الموزعين اللي تعاونوا مع عمرو دياب كنت أنا سبب في وجودهم معاه.
