مرعوبين لحد دلوقتي.. أول تعليق لوالد طفلين توأم تدخل في اللحظة الأخيرة وأنقذهما من هجوم مميت لكلاب ضالة بالوراق
شهدت منطقة الوراق حادثة مثيرة بعدما تعرض طفلان توأم، يوسف وملاك 5 سنوات، لهجوم مفاجئ من مجموعة كلاب ضالة خلال سيرهما في الشارع بمفردهما.
أول تعليق لوالد طفلين توأم تدخل في اللحظة الأخيرة وأنقذهما من هجوم مميت لكلاب ضالة بالوراق
وقال رؤوف يوسف والدهما لـ القاهرة 24: الكلاب دي موجودة جنب السنتر بتاعي.. وعلطول بتهاجم اللي رايح واللي جاي.
وتابع: الولاد طلبوا يخرجوا يجيبوا حاجة قُلتلهم اخرجوا، وأنا هخلي بالي من الكاميرات وهراقبهم، شوفت الكلاب بتهجم عليهم خرجت جري ألحقهم.
وأضاف: في كلب نتش واحد منهم من التيشرت.. لكن عشان اللبس تقيل الحمد لله ما اتصبش في جسمه.
وأردف: هما ولدين توأم يوسف وملاك عندهم 5 سنوات، هما اتخضوا جامد طبعا والحمد لله ربنا ستر إني شوفتهم ولحقتهم وهما لحد دلوقتي مرعوبين.
وكان نشر والدهما فيديو يكشف لحظات رعب حقيقية، بعدما تعرضا لهجوم مفاجئ من مجموعة كلاب ضالة خلال سيرهما بمفردهما في الشارع، قبل أن يتدخل في اللحظة الحاسمة وينقذهما من خطر محقق.
