كان أكتر واحد بيحبها لكن قتلها بدون سبب.. ننشر أقوال شقيق دينا علاء لاعبة الجودو ضحية زوجها | انفراد
ينفرد القاهرة 24، بنشر نص التحقيقات في قضية مقتل دينا علاء لاعبة الجود على يد زوجها بمنطقة المنتزة بالإسكندرية، والتي حوت اعترافات شقيق المجني عليها، عن علاقة شقيقته بزوجها وحقيقة وجود خلافات بينهما، ومدى اتزانه النفسي وكيف تمت الجريمة.
ننشر أقوال شقيق دينا علاء لاعبة الجودو ضحية زوجها
واستمعت جهات التحقيق إلى أقوال عمرو علاء الدين شقيق دينا علاء لاعبة الجودو
س/ ما صلتك بكل من / دينا علاء الدين السيد السيد وشريف علاء محمد حسني؟
ج / دينا أختي وشريف جوز أختي وصديقي من زمان
س / ما طبيعة العلاقة تحديدا بينك وبين المدعو شريف علاء محمد حسني؟
ج / هو صديق عمري وجاري من واحنا صغيرين
س/ منذ متى وأنت على اتصال مع سالف الذكر؟
ج / أنا أعرفه وهو في أولى كلية شرطة.
س / ما طبيعة شخصية سالف الذكر ؟
ج / هو شخصية مثالية جدا طول عمره وهادي ومتدين ومش بيزعق خالص وملتزم في شغله.
س / متى تحديدا تقدم سالف الذكر الخطبة شقيقتك؟
ج / من حوالي عشر سنين أول ما اتخرج من الكلية
س/ ما ملابسات تلك الخطبة ؟
ج / هو صاحبى وجاري واتعرف على أختي وبعد ما اتخرج من الكلية اتقدملها علشان يخطبها
س / ما موقف شقيقتك من تلك الخطبة تحديدا؟
ج / هي كانت موافقة عليه ومعجبة بيه.
س / هل حدثت ثمة خلافات خلال عقد قران شقيقتك وسالف الذكر؟
ج / لا مفيش مشاكل خالص حصلت هما اتجوزوا بعد تقريبا سنة والدنيا كانت أفضل حاجة
س / أين أقام سالفي الذكر عقب زواجهما؟
ج / هما اتجوزوا في الشقة الكائنة ٦٨ شارع المرسلين الأمريكان برج القبطان
س / وهل نتج عن تلك الزيجة أطفال؟
ج / ايوة، آدم وآسر بعد ثلاث سنين تقريبا من الجواز
م / هل حدثت ثمة خلافات فيما بينها خلال تلك الفترة قبل الإنجاب؟
ج / لا خالص
س / هل حدثت بينهما خلافات بعد إنجاب الأطفال؟
ج / لا العلاقة كانت مستقرة جدا
س / ما الظروف العائلية والاجتماعية لعائلة المدعو / شريف علاء محمد حسني؟
هو والده متوفى وكان ضابط ووالدته لا تعمل ولكنها غير متزنة عقليا وعنده أختين واحدة مطلقة ومقيمة في القاهرة والثانية دكتورة واسمها مروة متزوجة من باكستاني ومقيمة بدولة السعودية رفقة زوجها.
س / ما طبيعة الحالة المرضية لوالدته تحديدا؟
ج / هي مش متزنة عقليا وتصرفاتها مش مضبوطة ودايما بتعمله محاضر وبتروحله عند خدمته وتشتمه ومش متزنة
س / وما الاسم الثلاثي لسالفة الذكر؟
ج / معرفش غير إن اسمها خديجة
س / وأين تقيم سالفة الذكر؟
ج / شارع حسني خلف مدرسة الناصرية
س / وهل تحدثت مع المدعو شريف علاء عن الحالة المرضية لوالدته؟
ج / لا
س/ هل اشتكت شقيقتك من تصرفات غير طبيعية من المدعو / شريف خلال فترة زواجهما التي كانت لمدة 10 سنوات؟
ج لا عمرها ما اشتكت من تصرفاته
س / متى بدأت تظهر الخلافات بين شقيقتك وبين المدعو / شريف ؟
ج مفيش خلافات حصلت بينهم خالص حتى يوم الحادثة بس هو شريف حالته النفسية مش مستقرة
س / ما مظاهر الحالة النفسية غير المستقرة التي ظهرت على سالف الذكر؟
ج / هو بقى كلامه قليل جدا ودايما بيقول أنا قرفان وأنا زهقان.
س / متى بدأت تظهر تلك الحالة النفسية؟
ج / من حوالي 3 أشهر
س / هل تم عرضه على مستشفيات أو أطباء لفحص حالته؟
ج / أيوة الموضوع بدأ يتطور والحالة بدأت تسوء ووديناه مستشفى.
س / متى تحديدا تم عرضه على المستشفى؟
ج هو اتعرض أول مرة يوم الثلاثاء اللي فات تقريبا ۲۰۲۵/۸/۱۲ وبعدين اتعرض يوم الخميس ٢٠٢٥/٨/١٤ يوم الواقعة
س / ما مظاهر التطور الذي حدث في حالة سالف الذكر؟
1 بدأ ينسى بشكل كبير ويعيد الكلام أكثر من مرة ودايما شاكك في اللي حواليه وبيقول كلام مش مفهوم.
س / وهل شاهدت بنفسك تلك الحالة؟
ج / أيوة يوم الخميس اللي فات بليل كنت قاعد معاه ساعة ونصف وعمال يقول أنا مش عارف أنا عملت كده إزاي ويقول كلام مش مفهوم.
س / ما الإجراءات الطبية التي تم اتخاذها من المستشفى حيال سالف الذكر؟
ج/ هما عملو له أشعة على المخ وبعدين قالوا مفيش حاجة ولما راح مرة ثانية كشفوا عليه وقالوا إن عنده حالة اكتئاب وتوتر وقلق والمفروض كان ميعاده النهاردة مع استشاري النفسية والعصبية.
س / ما ملابسات يوم الواقعة تحديدًا؟
ج / اللي حصل إن فيه مشاكل بين والدة شريف وأخته مروة بسبب خلاف على شقة، ووالدته مش متزنة فأخدت حفيدتها بنت مروة واختفت. ولما يكلموها في التليفون قالتلهم أنا مش هرجع بيها إلا لما تتنازلولي عن الشقة اللي بينها وبين مروة. وفعلًا أخد مروة وراح الشهر العقاري اللي في العصافرة، وهناك اتنازلت مروة لوالدتها عن الشقة. وبعد كده لقيت دينا أختي باعتالي على الموبايل رسالة بليل الساعة ٦:٣٠ مساء بتقولي شريف تعب وبيقولي وديني المستشفى. وأخدته وراحت بيه المستشفى وبلغتني أن الدكتور قال إنه عنده اكتئاب وتوتر وقلق، وهيعرضه على استشاري النفسية يوم السبت.
وأضاف شقيق دينا علاء في التحقيقات: وبعد ما طلع من المستشفى راح بيت والدته، وبعدين أختي كلمتني وقالتلي احنا قاعدين في سانتوس اللي على البحر، فأنا روحت أقعد معاهم شوية وأخدت شريف على جنب وقعدت أعرض عليه إنه يطلع الساحل شوية يغير جو علشان نفسيته، وقعدت أكلم معاه ساعة ونصف. كل الكلام اللي بيقوله كلام مش منطقي وغريب زي "أنا عملت كده ليه، أنا مش كده، أنا تعبان ومش مضبوط، سامحوني أقولك الحقيقي" ويسكت. ولما سألته أنت مضغوط في الشغل رد عليا وقال "خلاص مبقاش فيه شغل تاني". وبعدين قالى أنا ماشي وهعدى عليك الصبح أخد المفاتيح علشان أروح الساحل، ومشى بعدها مع أختي والأولاد وراحوا البيت.
وبعدين لقيت أحمد ابن خالته بيتصل عليا الحق دينا رنت عليا وبتقولى الحق شريف رافع الطبنجة عليها، فكلمت أختي دينا في التليفون قالتلي خلاص هو هدى ومفيش حاجة. وجت رانن عليه على تليفونه فرد عليا وقال يا عمرو أنا تعبان شوية هقوم أصلي وأخش أنام، وفعلًا ده اللي حصل. وبعدين فضلت قلقان وأروح عند البيت وأرجع، وبعتلها على الماسنجر كذا مرة بحيث ترد عليا من غير هو ما يحس. لحد الساعة ٣:٠٠ العصر بكلم بابا ويطمن وأشوف أتواصل مع أختي دينا ولا إيه، لقيته هو بيكلمنى قالى دينا بترن على ماما وقفل معايا. وبعدها بدقيقة لقيته يتصل عليا وبيقولى خد أخوك واطلع بسرعة على أختك علشان شريف بيخنقها ويرفع عليها الطبنجة.
وتابع شقيق دينا علاء في التحقيقات: جرينا من البيت في المندرة بالعربية بتاعتى وأخويا بيكلمها في التليفون وعمالة تصوت وتقول الحقوني والأطفال بتصرخ وبتقول أنت هتقتل ماما بببايا. وأحنا في الطريق في شارع شعراوي سمعنا أول طلقة من المسدس، وأحنا تحت البيت سامعين آسر بيقول أنت هتقتلنى أنا ببايا. وبعدين سمعنا صوت الباب بيفتح، وبعدين سمعنا صوت إطلاق نارى تانى. ولما وصلنا الشقة لينا الجيران شايلين العيال وشريف ودينا واقعين على الأرض وغرقانين في دم. كلمنا النجدة والأسعاف جت، ولقت دينا توفت وشريف لقيوا فيه نبض فالحدوه وودوه المستشفى.
س / متى وأين حدث ذلك؟
ج / الكلام ده حصل امبارح ۲۰۲۵/۸/۱٥ حوالي الساعة ٤ العصر في بيت دينا وشريف الكائن ٦٨ شارع المرسلين الأمريكان برج القبطان الدور السادس شدس - أول الرمل.
س / وما آخر مرة شاهدت فيها المدعو / شريف قبل الواقعة؟
ج / أنا آخر مرة شوفته لما اتقابلنا يوم الخميس في كافيه سانتوس حوالي الساعة ٤:٣٠ مساء.
س / ما الحالة التي كان عليها آنذاك؟
ج / هو مكنش مضبوط خالص وعمال يقول كلام مش مفهوم ومش مركز.
س / ما مضمون الحوار الذي دار فيما بيك وبينه آنذاك؟
ج / أخدت شريف على جنب وقعدت أعرض عليه إنه يطلع الساحل شوية يغير جو علشان نفسيته، وقعدت أكلم معاه ساعة ونصف. كل الكلام اللي بيقوله كلام مش منطقي وغريب زي "أنا عملت كده ليه، أنا مش كده، أنا تعبان ومش مضبوط، سامحوني أقولك الحقيقي" ويسكت.
س / ما المدة التي قضيتها مع سالف الذكر آنذاك؟
ج / حوالي ساعة ونصف.
س / ما الحالة التي غادر عليها سالف الذكر آنذاك؟
ج / هو قام عادي خالص على أساس إننا اتفقنا إنه تاني يوم هيعدى عليا وياخد مفتاح ساليه الساحل ويروح يقعد شوية يريح أعصابه ويغير جو.
س / هل تحدثت مع شقيقتك آنذاك؟
ج / أبوة بس متكلمناش عن شريف خالص علشان ميحسش بحاجة.
س / وإلى أين توجه سالف الذكر عقب مغادرته؟
ج / اللي عرفته إن هم راحوا البيت على طول.
س / هل اتصلت بسالف الذكر هاتفيًا عقب مغادرته؟
ج / أبوء كلمته لما ابن خالته قالي الحق شريف رافع الطبنجة على دينا أختي.
س / ما الاسم الثلاثي لابن خالة المدعو / شريف؟
ج / اللي أعرفه إن اسمه "أحمد".
س / ما مضمون ما أخبرك به سالف الذكر تحديدًا؟
ج / هو بلغني إن أختي دينا كلمته وقالتله إن شريف رافع طبنجة عليها.
س / ما التصرف الذي بدر منك حال تلقيك ذلك الاتصال؟
ج / أنا كلمت أختي دينا وهي قالتلي إن خلاص مفيش حاجة هو دخل يصلي ومفيش حاجة خالص. وبعدين كلمته على تليفونه وهو قالى مفيش حاجة خالص وقالى إنه عايز ينام.
س / متى تحديدًا تم ذلك الاتصال؟
ج / حوالي الساعة ٦:٠٠ الصبح امبارح ٢٠٢٥/٨/١٥.
س / وما التصرف الذي بدر منك عقب إنهاء ذلك الاتصال؟
ج / أنا الصراحة قلقت على أختي وفضلت رايح جاي على البيت خايف أطلعلهم وقعدت أبعت لأختي على الماسنجر إن أول ما تصحى ترن عليا.
س / ومتى حدثت واقعة الوفاة تحديدًا؟
ج / امبارح ٢٠٢٥/٨/١٥ حوالي الساعة ٨:٠٠ الصبح.
