والدة الصغيرة ريما عن ظهور ابنتها في The Blind Date show: ماستغلتش بنتي وماخدتش فلوس من البرنامج
فن
الصغيران ريما وريمون
أثارت الصغيرة ريما مصطفى، الجدل خلال الساعات الماضية، وذلك بعد ظهورها في برنامج The Blind Date show، رفقة الصغير ريمون، في حلقتهما اليوم، حيث إن الهجوم جاء بعد طرح الحلقة.
بعد الهجوم الحادث.. والدة الطفلة ريما تُعلق على ظهور ابنتها في The Blind Date
وقالت والدة الطفلة ريما في تصريحات لـ القاهرة 24: ده مش ديت زي ما الناس فهمت.. وكانوا بيتكلموا عن محتوى خاص بالأطفال والدراسة
وتابعت: الناس حكمت من برة والدليل أنهم متفقوش أنهم هينزلوا ديت زي مابيحصل في آخر كل حلقة.
وأردفت: أنا ماستغلتش بنتي وماخدتش فلوس من البرنامج زي ما الناس قالوا ووافقت عشان دي هواية هي بتحبها.
وتابعت: الحلقة متصورة من 4 شهور وتوقيت نزولها بعد الحلقات السابقة ممكن ده اللي خلى الناس تحكم كدة.
واختتمت: اللي هيتفرج على الحلقة كاملة هيفهم أكتر المحتوى كان قائم على إيه، وأنا باعدة بنتي عن قراءة التعليقات، لأن هي مش هتفهم ده ايه والهجوم كان قاسي بدون مبرر.
