أحمد سالم يدعو للتبرع بالأعضاء بعد الوفاة: الدول العربية سبقتنا
دعا الإعلامي أحمد سالم الجمهور إلى التبرع بالأعضاء بعد الوفاة لإنقاذ حياة الآلاف من المرضى، معتبرًا ذلك صدقة جارية على أرواحنا.
أحمد سالم: ما تيجوا نتبرع بأعضائنا بعد الوفاة لإنقاذ حياة الآلاف
وكتب أحمد سالم عبر حسابه على موقع التواصل الاجتماعي فيسبوك: ما تيجوا نتبرع بأعضائنا بعد الوفاة لإنقاذ حياة آلاف الأحياء وصدقة جارية على أرواحنا.. الأزهر وافق والقانون صدر من 2010 والدول العربية والإسلامية سبقتنا واحنا لسه مترددين.
وعلى جانب آخر، سبق وتحدث أحمد سالم عن أهمية الاحترام بين الأزواج بعد الانفصال، وقال خلال لقائه مع القاهرة 24: مفيش بني آدم عايز يبقى تعيس أو يدخل علاقة ويفشل، لكن دي مسألة نصيب المهم هو الاحترام خلال العلاقة وبعدها، ومش معناه إن علاقتك بمراتك انتهت إن نلاقيكم في المحاكم، ممكن تبقوا صحاب وتكونوا مع بعض ومع أولادكم، وبتضايق جدًا الفضايح اللي بتحصل بين أي اتنين بيسيبوا بعض.
أحمد سالم عن فيلم الست
وعلق على الهجوم الذي تعرض له فيلم الست وقال: أنا ما دافعتش عن فيلم الست لكن دافعت عن حرية الفن والرأي، إحنا وصلنا لمرحلة إن اللي بيقول إن الفيلم عجبوه بيتشتم، ولو الفيلم ما عجبكش عادي، بس مينفعش ناخد الفيلم ونعمله أزمة بين بلدين، أو نحوله لمؤامرة خبيثة ضد البلد مينفعش نزايد على وطنية حد، أو نقول إن مروان حامد شرك في مؤامرة ضد مصر أتمنى، إن الكل يسكت ونتفرج على الفيلم واحنا ساكتين.
