صاحب محل أحذية بـ عباس العقاد يشكو قلة البيع: بقعد بالأسبوع مش بيدخلي زبون.. وعندي التزامات وبيت وأولاد
تداول مستخدمو السوشيال ميديا فيديو لـ صاحب محل أحذية بمنطقة عباس العقاد يشكو قلة حركة البيع بسبب وجود المحل في منطقة بشارع هادئ، واستغاث البائع بسبب عدم وجود زبائن للمحل ما يهدده بالإغلاق.
صاحب محل أحذية بـ عباس العقاد يشكو قلة حركة البيع
وشارك صاحب محل الأحذية فيديو عبر فيسبوك، قال فيه: أنا فاتح محل في شارع عباس العقاد بس المشكلة إن المكان هادئ جدًا وأنا موجود في منطقة خدمية فمفيش زبائن على المحل.
وتابع: بقالي 5 و6 شهور على الوضع ده مفيش حد بيشتري مني والدنيا مش أحسن حاجة خالص، وكمان التجار ليهم فلوس عندي وعليا التزامات ومش عارف أعمل إيه، ووضعي صعب جدًا ممكن أقعد 4 أو 5 أيام مش ببيع حاجة خالص، طبعا بحمد ربنا بس أنا محتاج أشتغل واتشاف عشان ده رزقي ورزق عيالي.
وأضاف: عايز أحس اإن المكان له زبائن وشغال وفيه ناس بتيجي وتروح عليه أو المكان شغال، حرفيا أصعب إحساس ممكن الواحد يمر به ومحدش من التجار هيصبر عليا خالص بس محتاج أشتغل عشان بيتي وولادي.
