بعد مغادرتها المستشفى.. مريم سعيد صالح: أيام من العجز والاحتياج لكل اللي حواليك
عبَّرت الفنانة مريم سعيد صالح عن شعورها بعد مغادرتها المستشفى، مؤكدة أنها قضت فترة طويلة في مراجعات وحسابات بين نفسها وبين ربها.
مريم سعيد صالح: أيام من العجز والاحتياج لكل اللي حواليك
وقالت مريم سعيد صالح، عبر حسابها على فيس بوك: أخيرًا دخلت بيتي زي ما خرجت منه بالإسعاف من يوم 22/12، ورجعت أمس مساء 1/8، الحركة لسه بحساب ومحاذير، وأكبر جرح في حياتي. ربنا يتمم الشفاء ويكملها بالستر والصحة.
وأضافت: قضيت فترة كبيرة في المستشفى، أيام من العجز التام عن الحركة، والاحتياج لكل اللي حواليك في كل حاجة. وده تأديب للنفس علشان محدش يفتكر نفسه قادر على كل حاجة ومش محتاج حد.
وأكدت مريم سعيد صالح، أنها شعرت خلال هذه الفترة بقيمة كل عنصر في محيطها، من عرق ونقطة دم ونفس، مشيرة إلى أن الأشياء التي تبدو عادية قد تتضح قيمتها الحقيقية عند فقدانها.
وأشارت إلى أهمية الثقة والتسليم لله تعالى في لحظات العجز، قائلة: لحظة بتعرف إنك دلوقتي عاجز ذليل، تفهم إن وحده اللي تلجأ إليه، وكل ما كنت واثق في جبره ومستقوي بيه، كل ما رد عليك وقال لك: أنا عند ظنك بي.
وأكدت مريم أن هذه التجربة جعلتها تدرك رحمة الله ولطفه وجبره، ووصفت الله بأنه اللطيف، الجابر، الودود، الفتاح، الواحد الأحد، الفرد الصمد الذي يقول للشيء كن فيكون.
أعمال مريم سعيد صالح
وعلى جانب آخر، سبق وكشفت الفنانة مريم سعيد صالح، عن أسباب قلة مشاركتها في أعمال فنية الفترة الماضية، إذ يعد آخر أعمالها الفنية مشاركتها في مسلسل بنون بطولة الفنان هاني عادل.
وقالت في تصريحات لـ القاهرة 24: بفكر أسيب الفن وأشتغل أي حاجة تانية، لأن بعد ما ضيعت من عمري سنين فيه أذاكر وأعمل ورش وأسافر وعملت ماجستير علشان أشتغل وأكسب فلوس وأرتاح، ده للأسف محصلش وأنا مش هتحايل على حد علشان يشغلني، أنا قلت عايزة أشتغل ومحدش سأل.
