ياسمين الجيلاني: الناس شبهوني بـ شريهان.. وبنتي سبب غيابي عن الفن 8 سنوات
كشفت الفنانة ياسمين الجيلاني، تفاصيل وسبب غيابها خلال السنوات الماضية عن الساحة الفنية، بجانب الحديث عن تشبيه الجمهور لها بالفنانة شريهان.
وقالت ياسمين الجيلاني، في لقائها مع الإعلامية ياسمين عز، في برنامجها كلام الناس: كانوا فاكرين أن في حد منعني وأنا مفيش حاجة تقدر توقفني إلا رغبتي الشخصية، وأنا اخترت أني أقعد لأني رفضت ناني تساعدني في تربية بنتي، وأنا كنت حابة أحط التقاليد بتاعتنا وأتفرغ لـ بنتي.
وأضافت: لما كنت طفلة والدتي كانت مشغولة عني كتير ومش متواجدة، وأنا كنت بحس بالفقدان وإنها مش موجودة معايا وبشتاق لها، وقلت أنا مش هيعش بنتي الإحساس ده وعوضت ده على قد ما أقدر، إحنا هنحاسب على ولادنا، إحنا جايبين الأطفال علشان نوحدها؟، بدأت أفكر أرجع للشغل وأمهد ده لـ بنتي وأنا وهي أصحاب جدًا ونادرًا لما تقولي مامي، ولازم أنا أصاحبها وأقرب فكري من فكرها لأنهم جيل مختلف تمامًا.
كما تطرقت ياسمين الجيلاني، للحديث عن والدها الراحل، قائلة: والدي رحمة الله عليه، كان منفصل عن والدتي ومكنش موجود في حياتي، ولكن ده لا يمنع أن حس والدي في الدنيا كان بيخليكي أحس بالأمان، كان بيزورني طبعًا وكنت بشوفه.
أما عن تشبيهها بالفنانة شريهان، فعلقت ياسمين الجيلاني: اتقالي كتير جدًا أني شبه شريهان، وجت عليا فترة غيرت من شكلي وشعري، وأنا مبحبش حد يتشبه بـ حد لأني كده بسلب شخصيتها، ولكن دي حاجة بتسعدني جدًا ومكانها محدش هياخده منها وهي جميلة.
