مهند لاشين لـ القاهرة 24: مفيش حد عايز يبقى مش كويس.. ودايمًا بناخد بالأسباب
تحدث مهند لاشين لاعب منتخب مصر الأول لكرة القدم عن المواجهة المرتقبة أمام كوت ديفوار في ربع نهائي كأس أمم إفريقيا 2025.
وتنطلق مباراة مصر وكوت ديفوار في تمام التاسعة مساء غدًا السبت في ربع نهائي كأس أمم إفريقيا 2025.
تصريحات مهند لاشين
وقال مهند لاشين في تصريحات للصحفيين بحضور مراسل القاهرة 24: المباراة قوية للغاية ومركزين وإن شاء الله نبقا في حالتنا وربنا يرزقنا بنتيجة إيجابية غدًا إن شاء الله.
وأضاف: الإصابة كانت بسيطة الحمدلله وبدأت التأهيل منذ 4 أيام وأشارك منذ تدريبين وتحت أمر الجهاز الفني والقرار في الأول والأخير لهم، وكنا نشك أن الإصابة كبيرة ولكن الحمد لله الموضوع كان بسيطًا، والحمدلله بدأت التعافي بصورة كويسة وأصبحت جاهزًا والجهاز الفني هو من يملك قرار مشاركتي من عدمه.
وأشار مهند لاشين في تصريحاته: جلسنا مع محمد حمدي كل يوم قبل السفر عقب إصابته، والإصابة أخدت مننا كلنا وأثرت فينا ولكن ممكن تبقا حافز لينا لكي نتوج بالبطولة وتبقا عشان خاطر محمد حمدي.
وأتم تصريحاته: رسالتي للناس هي إن مفيش حد عايز يبقا مش كويس أو يخسر واحنا دايمًا بناخد بالأسباب وبنذاكر الفريق اللي قدامنا كويس وربنا يرزقنا التوفيق.
