خبطها أتوبيس بلبس العيد.. أول تعليق من أسرة دميانة رشاد بعد وفاتها في حادث سير| خاص
كايرو لايت
دميانة رشاد
تداول مستخدمو السوشيال ميديا، منشورات تعزية لفتاة تُدعى دميانة رشاد، توفيت أمس، بعد ظهورها ترتدي ملابس عيد الميلاد المجيد، في آخر صورة لها عبر حسابها بمنصة فيسبوك.
سائق اتوبيس خبطها بلبس العيد
وقال أحد أفراد أسرة دميانة رشاد في تصريحات خاصة لـ القاهرة 24: سواق أوتوبيس من اللي بيشيل 50 فردا خبطها في منطقة المؤسسة، خلال ما كانت بتعدي الطريق، الحادثة حصلت تاني يوم عيد الميلاد المجيد وكانت صدمة كبيرة لينا.
وتابع: دميانة خدت الماجيستير وكانت متفوقة دراسيا وشاطرة وكانت محبوبة وطموحة فوق ما أي حد يتخيل، زعلانين على خسارتها بس هي في مكان أحسن، مضيفا: أختها في حالة نفسية صعبة ومش بتاكل ومعلقة محاليل من ساعة الوفاة.
وأشار: مش مستوعبين الحادثة اللي حصلت لبنتنا دي وبندعي ربنا يصبرنا على اللي حصلنا وأنها ماتت بسبب سائق اتوبيس متهور.
