لبلبة: دخلت في علاقة حب دون قصد وبعدت عنه خوفًا على حياته

حلت لبلبة ضيفة على احدى البرامج التلفزيونية والتي كشفت من خلاله عن العديد من كواليس حياتها الشخصية والمهنية، كما كشفت عن كواليس أصعب علاقة حب مرت بها.

لبلبة حبيت شخص من غير ما أقصد

وقالت لبلبة: حبيت شخص من غير أنا وهو مانقصد  والموضوع ماستمرش عشان محبتش أخرب بيت حد لأن في  ولاد ومش بحب ربنا يزعل مني ولايمكن أرتبط بواحد متجوز  وعنده ولاد واضطرينا أنا وهو نبعد عن بعض وأنا واثقه أن هو لسه بيحبني ولكن أنا قفلت قلبي خلاص. 

وأضافت:  بكلم ربنا  لأن هو الملجأ ليا  في وحدتي ومبلاقيش حد جانبي والحلوين راحوا ومبحبش أقول لأصدقائي القريبين  مني حاجة تضايقهم  عني ومش عيزاهم يزعلوا عشاني. 

واستكملت قائلة: اتعودت على الوحدة ولكن بخاف من المرض وبقول طب لو حصل  ليا حاجة أنا هعمل ايه ؟ مافيش حد جنبي يرعاني وهترمي في مستشفى وبهدله ولكن مش خايفه من الموت.

وغابت لبلبة عن المشاركة في الموسم الرمضاني الماضي وكان  آخر أعمالها الدرامية مسلسل الكتيبة 101، الذي عرض في رمضان 2023 وكان من بطولة عمرو يوسف وآسر ياسين وكان من تأليف إياد صالح وإخراج محمد سلامة ودارت الأحداث حول وقائع حقيقية تتمثل في استبسال الكتيبة 101 في التصدي للتنظيمات التكفيرية والإرهابية في شمال سيناء وتبدأ القصة في يوم 28 يناير 2018، حيث هجم التكفيريون على موقع عسكري هام في مدينة العريش بشمال سيناء.