سحبني وسط الزراعات وضربني في وشي.. ننشر أقوال الصغيرة شيماء في واقعة الاعتداء عليها من جارها
حصل القاهرة 24، منذ قليل على نص أقوال الطفلة شيماء، ضحية التعدي من جارها بوسط الزراعات خلال ذهابها لشراء غرض لوالدتها.
وجاء لنص أقوالها كالآتي:
س: ما اسمك؟
ج: اسمي شيماء إ. م. إ. السن 13 سنة ومقيمة مساكن الشيخ عمر - بندر بلبيس
س: ما تفصيلات ما حدث ؟
ج: اللي حصل إني لما رجعت من المشغل اللي أنا بشتغل فيه لقيت اللي اسمه محمد ت.س. ده بيخبط على الباب وبيقول لأمي أنه معاه تليفون عايز يبيعه فأمي قالت له لا مش بنشتري تليفونات وبعدها أمي قالت لي روحي هاتي إريال للغسيل من محل بقالة ورانا في المنطقة وبعدين وأنا ماشية في الطريق لقيته راح مسكني من أيدي وجرني في الزراعات وأنا كنت بقاوم فيه وبزعق معاه، فقعد يضرب فيا في وشي وحط صباعة في عيني اليمن وفي زوري عشان يكتم نفسي لغاية لما أغمى عليا، فقطع البنطلون اللي كنت لابساه واعتدى عليا.. ولما فقت قعدت أصرخ لحد ما فيه واحدة جارتنا اسمها منار سمعتني فصوتت ولما حس إن فيه ناس جاية سابني وطلع جري فرحت على البيت ولما أمي شافتني بالمنظر أنا وأمي على القسم وعملنا محضر وجيت على هنا ودة كل اللي حصل.
س: متي وأين حدث ذلك؟
ج: الكلام ده حصل يوم 16/12/2025 الساعة 6:30 مساء في الأرض الزراعية خلف مساكن الشيخ عمر بندر بلبيس.
س: ما هي طبيعة علاقتك بالمتهم محمد ت س ح؟
ج: هو جارنا في العمارة وماليش علاقة به
س: هل يوجد ثمة خلافات سابقة بينك وبين المتهم سالف الذكر؟ وبرفقة من تقطنين؟
ج: أنا قاعدة مع أمي وأختي الصغيرة وخالي.
س: وأين يقيم المتهم سالف الذكر وبرفقة من؟
ج: في شقة جارنا مع أمه وأبوه
س: وما هي ظروف تقابلك مع المتهم خلال حدوث الواقعة؟
ج: لما كان عندنا ومشى وبعدها شافني وأنا رايحة أجيب إريال للغسيل من محل بقالة ورانا في الشارع.
