حطيته في الصندوق.. أول تعليق من عامل دليفري طلبت منه عميلة إحضار نجلها مع الأوردر
تداول مستخدمو السوشيال ميديا، فيديو لعامل دليفري بالهرم يروي فيه طلبًا غريبًا من عميلة المطعم، إذ طلبت منه إحضار صغيرها من الحضانة الموجودة بنفس عمارة المطعم مع الأوردر.
أول تعليق من عامل دليفري طلبت منه عميلة إحضار نجلها مع الأوردر
وقال عامل الدليفري في تصريحات خاصة لـ القاهرة 24: الموقف اللي حصلي ده كان غريب جدًا عليا وأول مرة يحصل، اتفاجئت بست في منطقة الهرم بتطلب مني أجيب ابنها من الحضانة مع الأوردر، طبعا دي حاجة غريبة عليا، والست طلبت مني كده عشان والدتها في البيت ومش هتعرف تسيبها.
وأردف: الست مكنتش طالبة الأوردر عشان المطعم نفسه بس عشان حد يجيب ابنها من الحضانة، ومضايقتش من الموقف بس كان غريب عليا، والطفل كان خايف فا دخلت جبتله حاجات حلوة من سوبر ماركت عشان يروح معايا، وحطيته في صندوق الأوردرات عشان الشمس كانت بتضايقه.
عامل دليفري تطلب منه عميلة إحضار نجلها مع الأوردر
وشارك أحد مستخدمي السوشيال ميديا فيديو لعامل دليفري يحكي فيه الموقف باستنكار شديد، قائلًا: يا جماعة بكلم العميلة عشان أعرف مكان بيتها فين وأوصلها الأوردر، تفاجأت بيها بتقولي ممكن تعدي على ابني تاخده من الحضانة، هي في نفس عمارة المطعم، معبرًا: ارحمونا مش كده، إيه الطلبات الغريبة دي.
