طعنته بالسكينة عشان عاتبني على تأخير الغداء.. ننشر أقوال قاتلة زوجها بالمرج | خاص
حصل القاهرة 24 على نص التحقيقات في قضية مقتل شاب بالمرج على يد زوجته، بعد خلافهما على تحضير الطعام، بأن تلقى منها طعنة أودت بحياته في الحال.
ننشر أقوال قاتلة زوجها بالمرج
واستمع رجال التحقيق بالقاهرة، إلى أقوال زوجة المرج المتهمة بقتل زوجها، وجاءت كالآتي: اسمي هبة. ع عندي 21 سنة، وأنا ربة منزل.
س: أنت متهمة بقتل المجني عليه أحمد. م عمدًا بغير سبق الإصرار والترصد بأن تعديتِ عليه بالضرب وكلتي إليه ضربة استقرت في صدره من الجهة اليمني باستخدام سلاح ابيض سكين محل الاتهام التالي الإصابات الثابتة بالتقرير الطبي والتي أودت بحياته في حينه.
ج: محصلش أنا خبطته غصب عني وهو بيضريني.
س: أنت متهمة بإحراز سلاح أبيض سكين بغير ترخيص على النحو المبين بالتحقيقات
ج: محصلش هي كانت سكينة المطبخ وأنا كنت بقطع بيها الخيار.
س: ما تفصيلات ما حدث إذا وما هي ظروف ضبطك وعرضك علينا؟
ج: أنا كنت قاعدة في البيت وبعدين أحمد جوزي رجع من الشغل وقالي فين الغداء، قلتله بحضره ليك لقيته بيزعق فيا وبيشتمني أنا وأهلي، وبعدين أنا اتضايقت وقلتله بطل علشان ماشتمش أهلك أنا كمان، لقيته جه عليا المطبخ وأنا بجهز الأكل ومد إيده عليا وزقني، وأنا كمان فضلت أزعق وأبعد إيده عني وفضلنا نعافر أنا وهو، وكنت بدافع عن نفسي وهو مسك إيدي اليمين ولفها ورا ضهري، وكانت ايدي فيها السكينة لاني كنت بقطع الأكل بيها، وبعدين وهو بيرجع لورا لقيته وقع على الأرض ولقيت فيه دم على السكينة فرميتها بسرعة.
وتابعت زوجة المرج في التحقيقات: أنا افتكرت إنه اتعور منها بالغلط، وجيت أقومه لقيته بينزل دم فخُفت عليه، وكنت خايفة ومش عارفة أعمل إيه، وبسرعة نديت على شيماء أخته وقلتلها الحقيني بسرعة، وهي طلعتلى على طول وكان أحمد واقع على الأرض وبعد كده شلناه وطلعنا بيه على المستشفى، وكان مات ساعتها ولما الشرطة جت قُلت للظابط على اللي حصل كله وهو ده اللي حصل.
س: هل ثمة خلافات بينك وبين المتوفى؟
ج: لأ خالص.. إحنا متجوزين عن حب ودي كانت ساعة شيطان، واللي حصل ده كله كان من غير قصد.
