بين القتل والنكران والندم.. ننشر الأقوال الكاملة لقاتلة زوجها عريس المرج بسبب الخلاف على الأكل| خاص
حصل القاهرة 24 على نص التحقيقات في قضية مقتل شاب بالمرج على يد زوجته بعد خلافهما على تحضير الأكل، بأن تلقى منها طعنة أودت بحياته في الحال.
اعترافات قاتلة زوجها عريس المرج
واستمع رجال التحقيق بالقاهرة، إلى أقوال زوجة المرج المتهمة بقتل زوجها، وجاءت كالآتي: اسمي هبة عبد الحليم عندي 21 سنة، وأنا ربة منزل.
س: أنت متهمة بقتل المجني عليه أحمد مجدي عبد العزيز، عمدًا بغير سبق الإصرار والترصد بأن قمت بالتعدي عليه بالضرب وكلتي إليه ضربة استقرت في صدره من الجهة اليمنى باستخدام سلاح أبيض، سكين، محل الاتهام التالي الإصابات الثابتة بالتقرير الطبي والتي أودت بحياته في حينه.
ج: محصلش أنا خبطته غصب عني وهو بيضريني.
س: أنت متهمة بإحراز سلاح أبيض سكين بغير ترخيص في نحو المبين بالتحقيقات؟
ج: محصلش هي كانت سكينة المطبخ وأنا كنت بقطع بيها الخيار.
س: ما تفصيلات ما حدث إذا وما هي ظروف ضبطك وعرضك علينا؟
ج: أنا كنت قاعده في البيت وبعدين أحمد جوزى رجع من الشغل وبعدين قاللي فين الأكل، قولتله بحضره ليك لقيته قام فضل يزعق فيا ويشتمنى أنا وأهلي وبعدين أنا اضايقت وقولتله يبطل علشان ما اشتمش أهلك أنا كمان لقيته قام جه عليا المطبخ وأنا بجهز الأكل ولقيته ومد إيده عليا وزقني.. وبعدين أنا كمان فضلت أزعق وأبعد إيده عني وفضلنا نعافر أنا وهو، وكنت بداقع عن نفسي وهو مسك إيدي اليمين ولفها ورا ضهري وكانت إيدي فيها السكينة لأني كنت بقطع الأكل بيها وبعدين وهو بيرجع لورا لقيته وقع على الأرض ولقيت فيه دم على السكينة فرميتها بسرعة.
وتابعت زوجة المرج في التحقيقات: أنا افتكرت إنه اتعور منها بالغلط وجيت أقومه لقيته بينزل دم وأنا خوفت عليه وكنت خايفة ومش عارفة أعمل إيه وبسرعة نديت على شيماء أخته وقولتلها الحقيني بسرعه وهي طلعتلي على طول وكان أحمد مجدي واقع على الأرض وبعد كده شيلناه وطلعنا بيه على المستشفى وكان هو مات ساعتها ولما الحكومة جت قولت للظابط على حصل كله وهو ده اللى حصل.
س: هل ثمة خلافات بينك وبين المتوفى إلى رحمة مولاه؟
ج: لأ خالص واحنا متجوزين عن حب ودي كانت ساعة شيطان واللي حصل ده كله كان من غير قصد.
س: متى وأين حدث ذلك؟
ج الكلام ده حصل بتاريخ 30 ديسمبر اللي فات الساعة 8:30 مساءً بالمرج.
س: من كان برفقتك آنذاك؟
ج: كان معايا أحمد مجدي زوجي وبعد كده أخته شيماء طلعت الشقة بعد ما ندهت عليها.
س: ما هي بادرة لقائك بالمجني عليه آنذاك؟
ج: هو رجع ليا البيت بعد ما خلص شغل على التوكتوك.
س: ما هي الحالة التي كان عليها سالف الذكر؟
ج: هو كان راجع من الشغل زي أي راجل بييجي من الشغل بيكون مش في أحسن حال وتعبان شوية.
س: هل دار بينك وبين المتوفى ثمة حوار؟
ج: أيوه.
س: ما هو مضمون ذلك الحوار؟
ج: هو سألني على الأكل وقولتله بجهزه ليك لقيته اضايق وفضل يزعق ويشتم وشتمني بأهلي وأنا كنت قولتله ما تشتمنيش بأهلي عشان ما أغلطش في أهلك.
س: ما هو سبب قيام المتوفى إلى رحمة مولاه تعالى بالتعدي عليكي؟
ج: بسبب إنه لما روح البيت ما لقاش الأكل جاهز بسبب إني كنت تعبانه بسبب الحمل.
س: ما كيفية قيام المتوفى بالتعدي عليكي آنذاك؟
ج: لما ملقاش الأكل فضل يشتمني ويشتم أهلي وأنا رديت عليه وقولتله ما تغلطش في أهلي عشان في أهلك انت كمان لقيته قام اتعصب وجه عليا المطبخ وفضل يشتم فيا ومسك إيدي اليمين شت ماسكة بيها السكينة ولفها وقعد يضريني في ظهري.
س: ما هو عدد الضربات التي كالها لكي المجنى عليه تحديدا قبل وفاته؟
ج: خبطني بأيده أربع خبطات في ظهري.
س: أين استقرت تلك الضربات تحديدًا؟
ج: في ظهري وكان ماسك إيدي اليمين ولوحها.
س: هل كان المجني عليه حاملا لثمة أدوات أو أسلحة حال قيامة التعدي عليكي؟
ج: هو كان بيضربنی بإیده بس.
س: ما قولك فيما قررته لنا سلفا من أن سبب نشوب تلك المشادة الكلامية فيما بينك وبين المتوفى من أنك لم تقومي بتحضير الطعام وكان ذلك مخالفا لما قررتيه لنا الآن من أن الواقعة ب أثناء تواجدك بالمطبخ محل الواقعة وكان ذلك حال قيامك بالتواجد داخل المطبخ لتحضير الطعام ممسكة بيدك بالسلاح الأبيض المستخدم في إحداث إصابة المجنى عليه؟
س: أنا كنت بعمل سلطة وبقطع الخيار وكنت هعمل أي أکل وخلاص.
س: ما الحالة التي كنتى عليها آنذك؟
ج: كنت واقفة في المطبخ ماسكة السكينة وبقطع الخيار بيها.
س: ما هي المسافة التي كانت تفصل بينك وبين المتوفى حال تلقيه تلك الضريه بذات السلاح
ج: مسافة قريبة أقل من نص متر.
س: ما هي واجهتك بالنسبة للمتوفى حال تلقيه تلك الضربة من السلاح الأبيض حوزتك؟
ج: مدياله ضهري وكانت إيدي هو ماسكها ولاففها ورا ضهري لما كنت ماسكة بيها السكينة.
س: وهل نتج عن ذلك السقوط ثمة إصابات بالمجني عليه؟
ج: لا.
الرأس "تلوناه عليها "؟
ج أنا معرفش الإصابة دي جتله منين.
س: وما تعليلك إذن لوجود تلك الإصابة؟
ج هو ممكن يكون لما وقع على الأرض تكون راسه اتخبطت واتعورت
س وما قولك فيما قررته شقيقة المجني عليه بتحقيقات النيابة العامة "تلوناها عليه تفصيلا
ج اللي حصل أنا قولت عليه.
