السيسي: من وأنا وزير لحد دلوقت ماعملتش إجراء استهدفت بيه دماء أحد والله يشهد على ذلك
شهد الرئيس عبد الفتاح السيسي، الاحتفال بمناسبة الذكرى الـ74 لعيد الشرطة المصرية.
وقال الرئيس السيسي خلال كلمته: عايز أفكر الحكومة وحتى البرلمان إن الأستراليين والإنجليز كانوا طلعوا تشريعات علشان تحد أو تمنع استخدام التليفوانات لسن معينة ودي تجارب لا بد ندرسها عشان نعمل حاجة كويسة لأولادنا.
السيسي: من أول ما كنت وزير لحد دلوقتي معملتس إجراء بفضل الله استهدفت بيه دماء أحد والله يشهد على ذلك
وأضاف: لازم الناس تخلي بالها كأجهزة ومؤسسات وحتى مواطنينن، أنت محترم عندنا.. كل المواطنين في مصر باختلاف عقائدهم وحتى اللي معنهدمش عقائد وممكن فضيلة الإمام يزعل مني لما اقول كدا، مضيفا: اللي معندهوش عقيدة أنا بشفق عليه إنتوا عارفين يعني إيه واحد ميعرفش ربنا، ربنا أعز وأكرم وأكبر إن حد يضغط على حد عشان يعرفه.
وواصل السيسي: اتكلمت قبل كدا عن حراس العقيدة وأنا قولت خليكم حراس الحرية، حرية الاختيار.. أنت اللي بتتكلم في الموضوع اضمن نجاتك، ضمان النجاة مش مضمون لحد إلا من رحم رب.. ودا ملك وليه صاحب ومسيطر عليه ومهيمن عليه، مفيش ذرة إلا بتتحرك بأمره.
وأضاف: من أول ما كنت وزير لحد دلوقتي معملتس إجراء بفضل الله استهدفت بيه دماء أحد والله يشهد على ذلك.. هم اللي بدأوا، مضيفا: بيان 3-7 اقرؤها وشوفوا كان معمول ازاي، كله لطف ومحاولة للتوافق والإصلاح وإننا ندي فرصة لنفسنا تاني لدورة جديدة، دورة جديدةلانتخابات والشعب يقول، ودا تقريبا اللي اتقال في 3-7.. وهل قبله اتقال فيه أو قبل منه تم القبض على حد؟ لا والله.
وأكمل الرئيس السيسي: يا اللي موجودين في كل مؤسسات الدولة.. إحنا هنموت ونقابل ربنا وكل واحد هيتحاسب على اللي كان ماسكه.. وزير الخارجية هيتحاسب على ناسه، هو فاكر جاي يقضي فترة سعيدة.. جت فيك يا بدر، معلش.
