كنا في مؤتمر بفرنسا.. أول تعليق من الدكتور محمد الناظر بعد الهجوم عليه بسبب مؤتمرات التجميل: كنتُ مُستفَزا وهذا سبب كلامي
كشف الدكتور محمد الناظر، تفاصيل ما قصده بمنشوره المثير للجدل عن مؤتمرات الجلدية والتجميل، مؤكدًا أن حديثه جاء بعد تجربة شخصية داخل مؤتمر علمي دولي بفرنسا، وليس هجومًا على زملائه أو فئة بعينها.
أول تعليق من الدكتور محمد الناظرعلى الهجوم بعد حديثه عن مؤتمرات الجلدية والتجميل
وقال الناظر في تصريحات خاصة لـ القاهرة 24: خليني أحكي القصة بالتفصيل علشان الموضوع يبقى معروف. أنا كنت في مؤتمر بفرنسا من أول امبارح وامبارح وقبليهم، مؤتمر علمي بحت، 3 أيام محاضرات وورش عمل، مفيهوش حفلات ولا تهريج زي اللي بيحصل في بعض المؤتمرات.
وأضاف: اللي استفزني إن في ظاهرة غير طبيعية، إن الدكاترة بقت مش رايحة تحضر المؤتمر، المحاضرات أغلبها فاضية، والناس قاعدة في المكان بتاع المؤتمر بتتصور.
وأوضح الناظر أن المشكلة لم تكن في الحضور النسائي نفسه، بل في الهدف من الحضور، قائلًا: الناس لابسة لبس مش لبس مؤتمر، لبس أفراح، تحس إنهم رايحين فرح مش رايحين يتعلموا، ودكاترة ستات من كل الجنسيات، الموضوع مالوش علاقة بالمصريين، المصريين أصلًا كانوا قلة.
وتابع: طول اليوم ناس بتتصور، نتصور جنب ده وده، ويشتروا شوية حاجات من المعرض، بقى الموضوع شوبنج وصور وأوفرات، مش مؤتمر علمي.
وأكد أن حديثه كان تعبيرًا عن انزعاجه من تحول المؤتمرات العلمية عن هدفها الأساسي، قائلًا: المنظر استفزني جدًا، وعلشان كده كتبت بوست تهريجي، مش أكتر، مكنش قصدي هجوم ولا إساءة لحد.
واختتم الناظر تصريحاته بالتأكيد على أن كلامه فُسِّر خارج سياقه، وأنه كان ينتقد ظاهرة عامة في المجال، وليس أشخاصًا أو زملاء بعينهم.
