معتمد جمال: الفوز على المصري مهم لنا.. والزمالك بدون جمهوره يفقد 90% من قوته
تحدث معتمد جمال المدير الفني لفريق الكرة الأول بنادي الزمالك، عن فوز فريقه أمام نظيره المصري البورسعيدي في بطولة كأس الكونفدرالية.
تصريحات معتمد جمال
وقال معتمد جمال في المؤتمر الصحفي بعد المباراة: الحمد لله على الفوز، ومباراة مهمة بالنسبة لنا، الفريقان كتاب مفتوح لبعضهما، وأشكر نبيل الكوكي، المدير الفني لفريق المصري، قدم مباراة كبيرة هو والفريق وجهازه المعاون.
وأضاف معتمد جمال: قسمنا المباراة إلى أكثر من جزء، وقدرنا نأخذ ما نريده من اللقاء، وطول العمر جمهور الزمالك واقف في ضهرنا، ومن غير جمهور الزمالك بنفقد 90% من قوتنا، وهو ده جمهور الزمالك، وفي أندية ما عندهاش قوة جمهورنا.
وتابع معتمد جمال: آدم كايد قدم مباراة مميزة، وعايزينه يجيب جون، مش كل مرة هنقول كرة حلوة، وآدم بيقدم كل اللي عنده، وكل مباراة لها لاعبين محددين، ونختار بناءً على الخصم اللي قدامنا، وكل اللاعبين هيشاركوا بناءً على المباريات.
وأكمل معتمد جمال: محمد إسماعيل أي مدرب يتمنى وجوده في الفريق، وبيلاعب في أي مكان، خدنا كل اللي عاوزينه من اللقاء، ومش عارف الكرة اللي جت علينا من ضربة جزاء صحيحة ولا لا، وكنت عاوز أطلع الشوط الأول واحد صفر.
وأردف مدرب الزمالك: دونجا وعبد الله السعيد مش جاهزين بنسبة 100%، ولكن وجودهم ضروري مع الفريق، ومقدرناش ندفع بيهم، ونص الفريق كان عنده دور برد، لكن اللاعبين تحملوا على نفسهم وجينا عليهم بسبب الإصابات.
واختتم معتمد جمال: شيكو بانزا عمل ضربة الجزاء، وأي لاعب بيغلط وبيصيب، واللي جاي هيكون أفضل، ونشتغل كويس مع المجموعة اللي بتلعب قدام، وبعد أول هدف لخوان بيزيرا وشيكو هتلاقي الأمور أفضل.
