شوبير: معتمد جمال مدرب واقعي جدًا في إدارته للمباراة.. ولما الزمالك كلمه ما فتحش بوقه
علق الإعلامي أحمد شوبير على أداء معتمد جمال المدير الفني لفريق الزمالك، مؤكدًا أن أسلوبه في الإدارة والتعامل مع الفريق يعكس خبرة كبيرة وواقعية عالية، وأنه بدأ يكسب ثقة جماهير النادي بشكل واضح بعد النتائج الإيجابية التي حققها مؤخرًا.
تصريحات أحمد شوبير
وقال أحمد شوبير خلال تصريحات لـ " ON sport FM ": معتمد جمال مدرب واقعي جدًا في إدارته للمباراة، مش مدرب متهور، مدرب عاقل جدًا، ويوم بعد يوم بيحوز ثقة جمهور الزمالك، اللي بدأ دلوقتي يقول: يا جماعة الله يخليكم، متقعدوش تقولولنا مدرب أجنبي ومدرب مش عارف إيه، إحنا عاوزين معتمد جمال.
وواصل شوبير: خاصة إن معتمد لما كان عنده تجربة قبل كده، حقق نجاحات كبيرة جدًا جدًا، وبعدين خسر مباراة فالنادي مشّاه، ولما الزمالك كلمه، ما فتحش بوقه على فكرة، لا اتكلم في فلوس ولا مرتب ولا أي حاجة، هو اتكلم في إزاي الزمالك يبقى جيد، وده أمر يُحسب لهذا الرجل المحترم.
وأتم أحمد شوبير: معتمد مدرب واقعي، ومش بيجادل ومش بيقاوح، ولما بيحس إن في غلطة في التشكيل معندوش مشكلة.
