إحدى السكان المتضررين من حريق مصنع العسلية بشبرا الخيمة تستغيث: الأنابيب انفجرت وأنا عروسة جديد والجهاز باظ

استغاثت مريم إحدى سكان المنزل المتضررين، بعد حريق اندلع في مصنع عسلية بالدور الأول في أحد العقارات بشبرا الخيمة، تسبب في انفجار أنابيب المصنع وانتشار النيران بسرعة، ما أدى إلى تضرر الشقق المجاورة بالكامل.

إحدى سكان المتضررين من حريق مصنع العسلية بشبرا الخيمة تستغيث

وقالت مريم في تصريحات خاصة لـ القاهرة 24: أول حاجة حسيت بيها صويت من تحت الستات اللي كانت شغالة في المصنع، لما بصيت لقيت دخان وشي كله فولع تحت.

وأضافت: جريت بسرعة فتحت باب الشقة وجريت بالهدوم على الشارع، يا دوب جريت، البيت ولّع وساعتها باقي السكان نطّوا من على السطح.

وتابعت مريم: الانفجار وقعني على الأرض، وكل عفشي والشقة اتحرقوا بالكامل، أنا عروسة جديد والجهاز كله باظ.

وأوضحت أن الحريق بدأ نتيجة ماس كهربائي في مصنع العسلية، ثم تسبب في انفجار الأنابيب، مما زاد من حجم الخسائر وسرعة انتشار النيران.

صور للشقة المتضررة