فكرت أسيب الدنيا.. أحمد زاهر عن فترة مرضه: أسوأ أيام حياتي ولما رجعت اشتغلت أدوار لا تليق بقيمتي
تحدث الفنان أحمد زاهر، عن فترة مرضه التي ابتعد خلالها عن الوسط الفني لمدة 3 سنوات، موضحًا أنه كان النجم الشاب الأول قبل غيابه ومن ثم عاد يبدأ مشواره من جديد عقب شفائه.
وقال أحمد زاهر، في ندوة تكريمه بالقاهرة 24: لما رجعت من فترة المرض، رجعت بـ أدوار صغيرة لا تليق بيا ولا بـ قيمتي ولا حجمي ولا اسمي، ورجعت وبدأت أطلع تاني السلم.
وتابع: جه المرض بعدني 3 سنين ورجعت من تحت ومقولتش إزاي وحرام وأنا وأنا، ومشيت في الطريق لغاية لما رجعت، وقت المرض فكرت أسيب الدنيا مش التمثيل بس، وعدم شغلي كان مموتني وأنا اللي كنت بعتذر بنفسي لأني مش عايز أظهر بالمنظر ده.
وأضاف: في بداية المرض طلعت مع عادل إمام في مشهد وكان جسمي بدأ يزيد، والنقاد طلعوا وقالوا إزاي؟، يعني إيه إزاي؟، ده كان قاسي جدًا وضايقني وبعد كده تضخمت عن الشكل ده مرة وده مش بـ إيدي ده من ربنا، دي كانت أسوأ فترة في حياتي، ولما رجعت بدأت من البداية، وقبل ما أختفي كنت بطل شاب أول والأدوار بتجيلي الأول واللي اعتذر عنه بيروح لـ حد تاني، ولما رجعت بدأت أنزل تحت ناس كانت بتقولي يا أستاذ ومزعلتش ومتضايقتش.
آخر أعمال أحمد زاهر
وعلى جانب آخر، حقق الفنان أحمد زاهر، نجاحًا كبيرًا من خلال آخر أعماله الدرامية لعبة وقلبت بجد، ويشارك أحمد زاهر، في العمل كل من رحمة أحمد، وعمر الشناوي، وحجاج عبدالعظيم، بالإضافة إلى بعض الفنانين، والعمل من إخراج حاتم متولي.
