أحمد زاهر: قالوا إني مبعرفش أمثل غير أدوار شر.. وأثبتت العكس ونجحت في لعبة وقلبت بجد
تحدث الفنان أحمد زاهر، عن تيمة أدوار الشر التي قدمها خلال السنوات الماضية، موضحًا أنه قرر الخروج عنها وتقديم عمل مختلف من خلال مسلسل لعبة وقلبت بجد.
وقال أحمد زاهر، في ندوة تكريمه بالقاهرة 24: لما عملت أدوار شر كنت عايز أوري للناس إن الشرير شكله عادي زينا ودمه خفيف ومعروف بين الناس، وكنت عايز أخرج من أدوار الشر دي وأقدم حاجة مختلفة لأنهم قالوا إني مبعرفش أعمل غير أدوار شر، ولما جالي شخصية شريف في مسلسل لعبة وقلبت بجد أثبت أني بعرف أمثل أدوار غير الشر، وحققت نجاح وأثرت في المجتمع.
أحمد زاهر يكشف كواليس مسلسل لعبة وقلبت بجد
وتحدث زاهر، خلال الندوة عن كواليس مسلسل لعبة وقلبت بجد، معربًا عن فخره الشديد برسالة العمل بعدما صدر قرار بحجب لعبة روبلوكس في مصر، قائلًا: إحساس جميل إن الواحد ما يكونش مقدم مجرد عمل درامي كويس، لكن قدّم عمل أثّر في المجتمع وأدى إلى إصدار قانون وحجب لعبة كانت مضرة، مش مجرد حدوته الناس بتتفرج عليها.
وأضاف أن الأطفال المشاركين فاجأوا فريق العمل بأدائهم، مؤكدًا أنهم كانوا في غاية الالتزام والتركيز، قائلًا: من أصغر طفل لأكبر واحد، كلهم كانوا شاطرين جدًا، بيحفظوا وفاهمين ومركزين، وكمان مسحوا اللعبة بنفسهم لما خافوا منها.
