والدة الشاب صاحب واقعة قرية ميت عاصم في بنها: بهدلوه قدام الكاميرات.. وقلبي محروق عليه
انهارت والدة إسلام، الشاب المجني عليه في واقعة إجباره على ارتداء زي نسائي بقرية ميت عاصم التابعة لمركز بنها، على الهواء، قائلة: قلبي محروق على ابني، هو ما عملش حاجة، والناس كلها لازم تعرف الحقائق.
والدة الضحية تنهار على الهواء: قلبي محروق على ابني
أضافت الأم، خلال تصريحات تليفزيونية: "اتلموا عليه وبهدلوه قدام الكاميرات، دلوقتي الداخلية قبضت على كل المتورطين وتم تقديمهم للنيابة العامة، والتحقيقات مستمرة معهم.
وعن حالة ابنها، قالت: حاولت أشوفه ومسمحوليش، بس أنا عارفة إن القانون هيجيب له حقه.
وأكدت الأم أن الواقعة بدأت بعد خلاف عادي يتعلق بخطبة ابنتها السابقة، لكنها تحولت إلى إهانة عامة وتعذيب معنوي لابنها أمام المجتمع، قائلة: بدل ما ياخدوا بنتهم.. أخدوا ابني وعملوا فيه اللي شفناه، وقلبي مش قادر يتحمل ده، لكن أنا متأكدة إن الحق مش هيضيع.
واختتمت الأم: عايزة حق ابني، وإن شاء الله حقه هيرجعله، في مصر ما فيش حق بيضيع.
