ياسمين عز لـ الفتيات قبل شهر رمضان: غيّري الدعوة والأسماء علشان تستجاب
وجهت الإعلامية ياسمين عز نصيحة للفتيات تزامنًا مع حلول شهر رمضان المُبارك، وذلك في برنامجها كلام الناس المذاع على قناة إم بي سي مصر.
وقالت ياسمين عز خلال الحلقة: ادعي في رمضان، الدعوة مستجابة، وغيّري الدعوة والأسماء علشان تستجاب، الواد اللي معاكي مش هينفعك، جواز الصالونات هو اللي هينفعك، وما تفوّتيش صلاة التراويح، واقعدي جنب الستات الكبار.
وخلال الحلقة نفسها، تلقت تعليقًا من إحدى المتابعات جاء فيه: نفسي أقعد معاكي يا ياسمين وأسألك إنتِ بتتكلمي جد ولا بتستعبطي؟، لترد قائلة: بستعبط.
تصريحات ياسمين عز
وسبق أن تحدثت الإعلامية ياسمين عز، عن حجب لعبة روبلوكس الشهيرة في مصر، موجهة العديد من النصائح للآباء للتعامل مع أبنائهم ومراقبة أفعالهم، محذرة من استخدام الأطفال للطرق غير الشرعية لاستخدام اللعبة من جديد وقالت ياسمين عز، في برنامجها كلام الناس: أخيرًا قفلنا لعبة روبلوكس، مش عارفة إيه سر ارتباط الأطفال الشديد باللعبة دي، وهنا كان لازم يبقى فيه وقفة.. والدولة عملت اللي عليها ومفيش أهم من ولادنا وطلع قرار بحجب اللعبة في مصر، ومجلس النواب بيجهز مشروع قانون علشان استخدام الموبايل من سن معين وبيشوفوا إيه المنصات والألعاب اللي ممكن تتقفل زي منصات المراهنات علشان نحمي أولادنا.
وأضافت: المسؤولين عملوا اللي عليهم ودلوقتي دور كل أم وأب، ويمكن الأم في البيت دورها فعال أكتر، ركزي مع ولادة أملي وقت فراغهم بحاجات مفيدة، الأمهات فرحانة جدًا بالقرار لكن الجيل الجديد بيسحوا بالدموع ومن إمبارح بيحاولوا يعملوا حلول.. الأطفال في السن ده أذكياء، ممكن بشكل ما غير شرعي الأطفال ينزلوا اللعبة تاني، شوفي ابنك أو بنتك.
