شوبير يقدم نصيحة لـ محمد عواد حارس الزمالك: لازم يطلع يعتذر
قدم الإعلامي أحمد شوبير نصيحة مهمة جدًا، لحارس مرمى الزمالك محمد عواد على خلاف أزمته الأخيرة مع مجلس إدارة الفارس الأبيض.
شوبير: عواد أبعد نفسه عن اللعب
وقال أحمد شوبير في تصريحات إذاعية، إن محمد عواد أبعد نفسه عن اللعب، عواد أنا بحبه جدًا وهو يعلم ذلك يعني، لكن بقوله إنك لازم تطلع تقدم اعتذار رسمي لمجلس إدارة النادي، ياأخي هو مش ممكن يحصل إصابات والفريق يحتاجك كل شئ وارد.
وتابع شوبير، أن لازم يا عواد تلتزم بقرار مجلس الإدارة وفيها إيه لما تبقى برا القائمة أو مش في التشكيل مش قصة، الأهم إنك تلتزم بقرار مجلس الإدارة، ولما تتكلم مع المدير الفني تقوله أنا مالبعتش ليه يا كابتن؟ هيقولك معلش شد حيلك والماتش الجاي هتلعب.
وأكمل شوبير: الدنيا قامت على توروب مدرب الأهلي لما قال، هلعب بشوبير والشناوي، والاتنين موجودين، والمدير الفني بيختار براحته هو حر، وعلى الرغم من تاريخ الشناوي واسمه وعظمته قاعد دكة لشوبير، وأكيد نفسه يلعب ولكن ده قرار مدرب الأمر منتهي.
واختتم شوبير: فأنا بقول لعواد لازم يعتذر لمجلس الإدارة لإن النادي داخل على ضغط مباريات، والفريق محتاجك فخليك أزكي من كده ومحمد صبحي عند إصابة في وتر أكيلس والله أعلم هيرجع أمتى؟
