حنان سليمان عن مشاركتها في المداح 6: كنت خايفة في الأول.. وصابر صعب عليا

علقت الفنانة حنان سليمان على الشخصية التي ظهرت بها في الحلقات الأولى من مسلسل المداح 6 اسطورة النهاية، مشيرة إلى خوفها الشديد من الجمهور، بجانب دعم المخرج لها.

حنان سليمان: كنت زعلانة من نفسي

وفي تصريحات خاصة لـ القاهرة 24، قالت حنان سليمان: أنا نفسي زعلت وقلبي وجعني وكنت زعلانة وأنا بعمل المشاهد دي، ومتضايقة من نفسي، لأن غصب عني متأثرة بالأحداث وحاسة إن المشاهد بجد، وحتى أمه سابته لوحده فأنا متأثرة جدا، وأمه كانت أمل ليه.

وأردفت: الحقيقة دي فكرة الكاتب والمخرج أحمد سمير فرج، لبه الفضل في كل ده، حتى في الأداء هو كان في ضهري.

وتابعت: أنا كنت متوقعة إن فيه ردة فعل وأنا نفسي اتخضيت معرفتش انطق لما عرفت الموضوع قبل ما اقرأ الورق، مكنش في حساباتي وتوقعاتي، بس مبسوطة إن ده حصل، وأنا كنت خايفة إني معرفش ألعب الشكل ده، لأني مشتغلتش فيه قبل كدة، والخوف أيضا كان مسيطر عليا إن الناس تكتفي  بالأجزاء السابقة ويحصل تشبع، ولكن حصل عكس كدة ولقيت نتيجة مرضية.

مسلسل المداح

والعمل من بطولة حمادة هلال بمشاركة عدد من الفنانين من بينهم: حنان سليمان، هبة مجدي، فتحي عبد الوهاب، علاء مرسي، خالد أنور، مفيد عاشور، يسرى اللوزي، من إخراج احمد سمير فرج وتأليف أمين جمال.