بنحب بعض من سنتين.. ننشر أقوال المجني عليه في واقعة إجبار شاب على ارتداء ملابس نسائية ببنها| خاص
كشفت التحقيقات في واقعة إجبار شاب بقرية ميت عاصم، التابعة لمركز بنها، في محافظة القليوبية، على ارتداء ملابس نسائية، تفاصيل جديدة عن الواقعة.
بنحب بعض من سنتين
وينفرد القاهرة 24 بنشر نص التحقيقات في القضية، حيث جاءت أقوال المجني عليه أمام جهات التحقيق كالآتي:
اللي حصل إن أنا ر. ا. ف، أصدقاء من سنتين وكنا بنحب بعض بس ما كناش بنقول لبعض وبعد كده أنا خطبت بس ماكنتش متفاهم مع خطيبتي ورحمة ماكنتش متفاهمة مع خاطبها علشان كان كبير في السن، ويوم الثلاثاء الموافق ٢٠٢٦/۲/۱۰ حوالي الساعة ٤:٣٠ العصر لقيت رحمة بتكلمني وبتقولي تعالى تتقابل أنا وأنت في كافيه علشان عايزة أقولك على حاجة مهمة.
وأضاف المجني عليه في أقواله أمام جهات التحقيق، روحت لها الكافيه لقيتها قاعدة، قالتلي إننا بنحب بعض ومش هنعرف نعيش من غير بعض وأنا عارفة أن أنت مش هتعرف تعيش من غيري وأنا مش هعرف أعيش من غيرك وتعالى نهرب ونبعد عن البيت ونروح حتة تانية، وأنا وافقتها على كده وروحنا قعدنا في كافيه وطلبنا أكل وبعد كده روحنا على المحطة وحجزنا تذكرتين وروحنا إسكندرية وقعدنا هناك وماكنش معايا غير 250 جنيه.
وتابع: روحنا فصلنا التليفونين بتوعنا وهي لقيت تليفونها أغلى فباعته بمزاجها علشان تقعد شوية وتعرف تخرج وقعدنا هناك من الساعة 7 صباحا لحد الساعة 9 صباحا ثاني يوم الأربعاء، وبعد كده رجعنا روحنا عند ابن أختي وقعدنا هناك أنا وهي، وجت أختي خدتها علشان توديها بيت أهلها.
