ربنا بيحبني.. برنامج حياة كريمة يساعد مسنة تبيع السبح بمبلغ مالي: هجيب تلاجة لابني
كشفت سيدة مسنة تبلغ من العمر 77 عامًا، تعمل في بيع السبح والفوط، معاناتها اليومية وجزء من رحلة كفاحها من أجل كسب قوت يومها، خلال ظهورها في برنامج حياة كريمة، موضحة أنها تعمل من أجل توفير مصاريف تعليم ابنتها.
حياة كريمة يساعد مسنة تبيع السبح
وقالت السيدة المسنة خلال لقائها ببرنامج حياة كريمة، إنها تبلغ من العمر 77 سنة وتعمل في بيع السبح بعد وفاة زوجها، لتوفير مصاريف المعيشة، قائلة: عندي بنت عايزة تتعلم وبتصرف مواصلات في اليوم 60 جنيها، نفسي رجلي تخف وأتعالج، وبشتغل عشان أصرف على تعليم بنتي.
وتابعت السيد المسنة: دخلي 100 جنيه في اليوم، وعايشة بستر ربنا، وأتمنى الصحة من الله.. الحمد لله أنا راضية، مقدرش أرتاح في البيت، محتاجة أشتغل، أكتر مبلغ حوشته 2000 جنيه، وعايزة أشتري بضاعة بـ4000 جنيه.
وعقب تلقيها مساعدة مالية تبلغ 20 ألف جنيه من برنامج حياة كريمة، عبّرت عن سعادتها الكبيرة، قائلة: كل ما أحتاج حاجة ربنا يبعتهالي، محصلش وحد عطاني 20 ألف جنيه قبل كدا.. معقول دول 20 ألف جنيه، في هم كبير اتشال من عليا، الواحدة مش مصدقة إنها خدت المبلغ دا من غير تعب، أنا هشتري بهم تلاجة لابني، أنت رضيتني يا رب.
